ﺍﻣﺎﻡ ﺍﻋﻈﻢ ﺍﻭﺭ ﺗﺼﻮﻑ “ ( ﺍﯾﮏ ﺍﺟﻤﺎﻟﯽ ﻣﻄﺎﻟﻌﮧ )
( ﺍﯾﮏ ﺍﺟﻤﺎﻟﯽ ﻣﻄﺎﻟﻌﮧ )
ﺣﻀﺮﺕ ﺍﻣﺎﻡ ﺍﺑﻮﺣﻨﯿﻔﮧ ﻧﻌﻤﺎﻥ ﺑﻦ ﺛﺎﺑﺖ ﺭﺣﻤﺔ ﺍﻟﻠﮧ ﻋﻠﯿﮧ ﮐﻮﻓﯽ ﺗﺎﺑﻌﯽ ﻗﺪﺱ ﺳﺮﮦ
ﺍﻟﻌﺰﯾﺰ ( ﻣﺘﻮﻓﯽ ۱۵۰ﮪ ﻡ۷۶۷ / ﺑﻤﻘﺎﻡ ﺑﻐﺪﺍﺩ ) ﮐﯽ ﻋﻈﯿﻢ ﺍﻟﻤﺮﺗﺒﺖ ﺷﺨﺼﯿﺖ ﮐﮯ ﻭﺳﯿﻊ ﻣﻨﻈﺮﻧﺎﻣﮯ ﭘﺮ ﺍﯾﮏ ﭘﻨﮩﺎﮞ ﭘﮩﻠﻮ ” ﺗﺼﻮﻑ “ ﺟﻮ ﺍﮐﺜﺮ ﺍﺻﺤﺎﺏ ﻓﮑﺮ ﻭﻧﻈﺮ ﺳﮯ ﺩﻭﺭ ﺭﮨﺎ۔ ﻟﯿﮑﻦ ﺣﯿﺎﺕ ﺍﻭﺭ ﮐﺎﺭﻧﺎﻣﻮﮞ ﮐﮯ ﭘﺲ ﻣﻨﻈﺮ ﭘﺮ ﺍﮔﺮﻧﻈﺮ ﻋﻤﯿﻖ ﺳﮯ ﺩﯾﮑﮭﯿﮟ ﺗﻮ ﯾﮧ ﻭﺍﺿﺢ ﮨﻮﮔﺎ ﮐﮧ ﺍﮨﻞ ﺗﺼﻮﻑ ﻭﺳﻠﻮﮎ ﻧﮯ ﺍﺻﻼﺡ ﺑﺎﻃﻨﯽ ﮐﮯ ﺗﻌﻠﻖ ﺳﮯ ﺟﻮ ﺍﺻﻼﺣﯽ ﻧﺼﺎﺏ ﺗﺮﺗﯿﺐ ﺩﯾﺎ، ﺍﺱ ﺳﮯ ﺑﮩﺖ ﭘﮩﻠﮯ ﺣﻀﺮﺕ ﺍﻣﺎﻡ ﺍﺑﻮﺣﻨﯿﻔﮧ ﺭﺣﻤﺔ ﺍﻟﻠﮧ ﻋﻠﯿﮧ ﺍﺱ ﭘﺮ ﮐﺎﺭﺑﻨﺪ ﻧﻈﺮ ﺁﺗﮯ ﮨﯿﮟ، ﺍﻭﺭ ﭘﮭﺮ ﺍﻥ ﮐﯽ ﺗﻤﺎﻡ ﺯﻧﺪﮔﯽ ﮐﮯ ﺗﻤﺎﻡ ﮔﻮﺷﻮﮞ ﭘﺮ ﺍﺣﺴﺎﻥ ﻭﺳﻠﻮﮎ ﮐﯽ ﮐﯿﻔﯿﺎﺕ ﻭﻣﺸﺎﮨﺪﺍﺕ ﺍﺟﺎﮔﺮ ﻣﻠﺘﯽ ﮨﯿﮟ۔
ﻟﻔﻆ ﺗﺼﻮﻑ ﺍﻭﺭﺍﺻﻄﻼﺣﯽ ﺗﺼﻮﻑ ﺳﮯ ﺑﮩﺖ ﭘﮩﻠﮯ، ﺣﻀﺮﺕ ﺍﻣﺎﻡ ﺍﺑﻮﺣﻨﯿﻔﮧ ﮐﯽ ﺗﺼﻮﻓﺎﻧﮧ ﻋﻤﻠﯽ ﺯﻧﺪﮔﯽ ﺳﮯ ﻭﺍﺑﺴﺘﮕﯽ ﮐﺎ ﺛﺒﻮﺕ ﺍﺱ ﻃﺮﺡ ﻣﻠﺘﺎ ﮨﮯ ﮐﮧ، ﺻﺎﺣﺐ ﺩﺭﻣﺨﺘﺎﺭ ﻋﻼﻣﮧ ﻣﺤﻤﺪ ﺑﻦ ﻋﻠﯽ ﺑﻦ ﻣﺤﻤﺪ ﺑﻦ ﻋﺒﺪﺍﻟﺮﺣﻤﻦ ﺣﺼﮑﻔﯽ ( ﻣﺘﻮﻓﯽ ۱۰ / ﺷﻮﺍﻝ ۱۰۸۸ﮪ ﺑﮧ ﻋﻤﺮ ۶۳ ﺳﺎﻝ ) ﻧﮯ ﻧﻘﻞ ﮐﯿﺎ ﮨﮯ ﮐﮧ ﺣﻀﺮﺕ ﺍﺑﻮﻋﻠﯽ ﺩﻗﺎﻕ ﺭﺣﻤﺔ ﺍﻟﻠﮧ ﻋﻠﯿﮧ ﻧﮯ ﻓﺮﻣﺎﯾﺎ :
” ﻣﯿﮟ ﻧﮯ ﻋﻠﻢ ﺗﺼﻮﻑ ﺣﻀﺮﺕ ﺷﺒﻠﯽ
ﺳﮯ ﺣﺎﺻﻞ ﮐﯿﺎ، ﺍﻧﮭﻮﮞ ﻧﮯ ﺣﻀﺮﺕ ﺳﺮﯼ ﺳﻘﻄﯽ ﺳﮯ ﺍﻭﺭ ﺍﻧﮭﻮﮞ ﻧﮯ ﺣﻀﺮﺕ ﻣﻌﺮﻭﻑ ﮐﺮﺧﯽ ﺳﮯ ﺍﻭﺭﺍﻧﮭﻮﮞ ﻧﮯ ﺣﻀﺮﺕ ﺩﺍﺅﺩ ﻃﺎﺋﯽ ﺳﮯ ﺍﻭﺭ ﺍﻧﮭﻮﮞ ﻧﮯ ﻋﻠﻢ ﺗﺼﻮﻑ ﺍﻭﺭ ﺣﺪﯾﺚ ﻭ ﻓﻘﮧ ﺣﻀﺮﺕ ﺍﻣﺎﻡ ﺍﺑﻮﺣﻨﯿﻔﮧ ﻧﻌﻤﺎﻥ ﺑﻦ ﺛﺎﺑﺖ ﮐﻮﻓﯽ ﺗﺎﺑﻌﯽ ﺳﮯ ﺍﺧﺬ ﻭ ﺍﺳﺘﻔﺎﺩﮦ ﻓﺮﻣﺎﯾﺎ۔ “
ﻣﺘﺬﮐﺮﮦ ﭼﺎﺭ ﻋﻈﯿﻢ ﺷﺨﺼﯿﺎﺕ ﮐﺎ ﻣﻘﺎﻡ ﻭﻣﺮﺗﺒﮧ ﺣﻠﻘﮧ ﺗﺼﻮﻑ ﻣﯿﮟ ﺻﺪﯾﻮﮞ ﺳﮯ ﻧﻤﺎﯾﺎﮞ ﺣﯿﺜﯿﺖ ﮐﺎ ﺣﺎﻣﻞ ﺑﻦ ﮐﺮ ﺭﻭﺷﻦ ﺳﺘﺎﺭﮦ ﮐﮯ ﻣﺎﻧﻨﺪ ﮨﮯ۔ ﺍﻣﺎﻡ ﻣﺤﯽ ﺍﻟﺪﯾﻦ ﺷﺮﻑ ﺍﻟﺪﯾﻦ ﻧﻮﻭﯼ
ﺍﭘﻨﮯ ﺭﺳﺎﻟﮧ ” ﺍﻟﻤﻘﺎﺻﺪ “ ﻣﯿﮟ ﺗﺼﻮﻑ ﮐﮯ ﭘﺎﻧﭻ ﺍﺻﻮﻝ ﺗﺮﺗﯿﺐ ﻭﺍﺭ ﺍﺱ ﻃﺮﺡ ﻟﮑﮭﺘﮯ ﮨﯿﮟ :
( ۱ ) ﺧﻠﻮﺕ ﺍﻭﺭ ﺟﻠﻮﺕ ﻣﯿﮟ ﺍﻟﻠﮧ ﺗﻌﺎﻟﯽٰ ﮐﺎ ﺗﻘﻮﯼٰ ﺍﺧﺘﯿﺎﺭ ﮐﺮﻧﺎ۔
( ۲ ) ﺍﻗﻮﺍﻝ ﻭﺍﻓﻌﺎﻝ ﻣﯿﮟ ﺳﻨﺖ ﻧﺒﻮﯼ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﯽ ﭘﯿﺮﻭﯼ ﮐﺮﻧﺎ۔
( ۳ ) ﻋﺮﻭﺝ ﻭ ﺍﻗﺒﺎﻝ ﺍﻭﺭ ﭘﺴﺘﯽ ﻣﯿﮟ ﻣﺨﻠﻮﻕ ﺧﺪﺍ ﺳﮯ ﺍﻋﺮﺍﺽ ﮐﺮﻧﺎ۔
( ۴ ) ﻗﻠﯿﻞ ﻭ ﮐﺜﯿﺮ ﺭﺯﻕ ﭘﺮ ﺍﻟﻠﮧ ﻋﺎﻟﯽٰ ﺳﮯ ﺭﺍﺿﯽ ﺭﮨﻨﺎ۔
( ۵ ) ﺧﻮﺷﯽ ﻭ ﻣﺴﺮﺕ ﺍﻭﺭ ﺭﻧﺞ ﻭ ﻏﻢ ﻣﯿﮟ ﺍﻟﻠﮧ ﺗﻌﺎﻟﯽٰ ﮐﯽ ﻃﺮﻑ ﺭﺟﻮﻉ ﮐﺮﻧﺎ۔
ﺍﻭﺭ ﺣﻀﺮﺕ ﺟﻨﯿﺪ ﺑﻐﺪﺍﺩﯼ ( ﻣﺘﻮﻓﯽ ۲۹۷ﮪ ) ﻃﺮﯾﻘﺖ ﮐﮯ ﭘﺎﻧﭻ ﺍﺻﻮﻝ ﺍﺱ ﻃﺮﺡ ﻓﺮﻣﺎﺗﮯ ﮨﯿﮟ :
۱ - ﺩﻥ ﮐﺎ ﺭﻭﺯﮦ۔
۲ - ﺷﺐ ﻣﯿﮟ ﻗﯿﺎﻡ۔
۳ - ﺍﺧﻼﺹ ﻋﻤﻞ۔
۴ - ﺍﻋﻤﺎﻝ ﻣﯿﮟ ﮐﺎﻣﻞ ﺭﻋﺎﯾﺖ۔
۵ - ﮨﺮ ﺣﺎﻟﺖ ﻣﯿﮟ ﺍﻟﻠﮧ ﺗﻌﺎﻟﯽٰ ﭘﺮ ﺗﻮﮐﻞ۔
ﺗﻤﺎﻡ ﻣﻮﺭﺧﯿﻦ ﺍﻭﺭ ﺗﺬﮐﺮﮦ ﻧﮕﺎﺭ ﺍﺱ ﭘﺮ ﻣﺘﻔﻖ ﮨﯿﮟ ﮐﮧ ﻣﺬﮐﻮﺭﮦ ﺗﻤﺎﻡ ﺧﺼﻮﺻﯿﺎﺕِ ﺗﺼﻮﻑ ﺳﮯ ﺍﻣﺎﻡ ﺍﺑﻮﺣﻨﯿﻔﮧ ﺗﺎ ﺣﯿﺎﺕ ﻣﻨﺴﻠﮏ ﻭ ﻣﻨﮩﻤﮏ ﺭﮨﮯ۔ ﻟﯿﮑﻦ ﺍﻣﺎﻡ ﺍﺑﻮﺣﻨﯿﻔﮧ ﺭﺣﻤﺔ ﺍﻟﻠﮧ ﻋﻠﯿﮧ ﮐﮯ ﺳﺎﺗﮫ ﻟﻔﻆ ﺻﻮﻓﯽ ﺍﻭﺭ ﺻﻮﻓﯿﺎﺋﮯ ﮐﺮﺍﻡ ﮐﮯ ﺳﻼﺳﻞ ﻣﯿﮟ ﺍﺳﻢ ﺍﺳﺘﻌﻤﺎﻝ ﻧﮩﯿﮟ ﮐﯿﺎﮔﯿﺎ۔ ﺣﻀﺮﺕ ﺍﻣﺎﻡ ﺍﺑﻮﺣﻨﯿﻔﮧ ﺍﻭﺭ ﺻﻮﻓﯿﺎﺀ ﮐﮯ ﺗﻌﻠﻖ ﺳﮯ ﻋﺮﺑﯽ ﮐﺘﺎﺏ ﺍﮨﻞ ﺍﻟﻔﺘﻮﺣﺎﺕ ﻭﺍﻻﺯﻭﺍﻕ ﮐﮯ ﻣﺼﻨﻒ ﻧﮯ ﺍﺱ ﻃﺮﺡ ﻟﮑﮭﺎ ﮨﮯ :
ﺣﻀﺮﺕ ﺍﻣﺎﻡ ﺍﺑﻮﺣﻨﯿﻔﮧ ﺭﺣﻤﺔ ﺍﻟﻠﮧ ﻋﻠﯿﮧ ﺻﻮﻓﯿﺎﺋﮯ ﮐﺮﺍﻡ ﺳﮯ ﻣﺤﺒﺖ ﻓﺮﻣﺎﯾﺎ ﮐﺮﺗﮯ ﺗﮭﮯ ( ﯾﻌﻨﯽ ﺗﻘﻮﯼٰ ﻭﺍﻟﻮﮞ ﺳﮯ ) ﺍﻭﺭﺍﻥ ﮐﮯ ﻗﯿﺎﻡ ﻭ ﻣﺮﺗﺒﮧ ﮐﺎ ﺍﺣﺘﺮﺍﻡ ﮐﺮﺗﮯ ﺗﮭﮯ ( ﺑﺤﻮﺍﻟﮧ ﮐﺘﺎﺏ ﺗﺼﻮﻑ ﺍﻭﺭ ﺻﻮﻓﯿﺎﺀ ) ۔
ﻣﺴﺘﺸﺮﻗﯿﻦ ﻧﮯ ﺍﺳﻼﻣﯽ ﻋﻠﻮﻡ ﺍﻭﺭﺍﺳﻼﻣﯽ ﺗﻌﻠﯿﻤﺎﺕ ﮐﯽ ﺍﺻﻞ ﺷﮑﻞ ﻭ ﺻﻮﺭﺕ ﮐﻮ ﺑﮍﯼ ﭼﺎﻻﮐﯽ ﺳﮯ ﻣﺴﺦ ﮐﺮﻧﮯ ﮐﯽ ﻃﺮﻑ ﺧﺎﺹ ﺗﻮﺟﮧ ﺩﯼ، ﺍﺳﯽ ﻃﺮﺡ ﺍﻧﮭﻮﮞ ﻧﮯ ﺍﺳﻼﻣﯽ ﺗﺼﻮﻑ ﮐﻮ ﺑﮭﯽ ﻣﺴﺦ ﮐﺮﻧﮯ ﭘﺮ ﺑﮍﯼ ﮐﻮﺷﺸﯿﮟ ﮐﯽ ﮨﯿﮟ۔ ﺍﻥ ﮐﺎ ﻋﻠﻤﯽ ﺗﻌﺎﻗﺐ ﺍﺻﺤﺎﺏ ﻗﻠﻢ ﺍﻭﺭ ﺍﺻﺤﺎﺏ ﻗﻠﻮﺏ ﻧﮯ ﺧﻮﺏ ﮐﯿﺎﮨﮯ۔ ﺍﻥ ﻣﺨﻠﺼﺎﻧﮧ ﮐﺎﻭﺷﻮﮞ ﮐﯽ ﺑﺪﻭﻟﺖ ﺍﺳﻼﻣﯽ ﻋﻠﻮﻡ ﺍﻭﺭ ﻓﻨﻮﻥ ﮐﯽ ﺍﺻﻞ ﺷﺒﯿﮧ ﺁﺝ ﺗﮏ ﻣﻮﺟﻮﺩ ﮨﮯ۔
ﺗﺼﻮﻑ ﮐﯽ ﺩﻭ ﺗﻌﺒﯿﺮﺍﺕ ﮐﯽ ﺟﺎﺳﮑﺘﯽ ﮨﯿﮟ، ﺍﯾﮏ ﺍﺛﺒﺎﺕ ﺍﻭﺭ ﺩﻭﺳﺮﺍ ﻧﻔﯽ، ﺍﺛﺒﺎﺗﯽ ﭘﮩﻠﻮ ﻣﯿﮟ ﺑﺪﻋﺎﺕ ﻭ ﺭﺳﻮﻣﺎﺕ ﺳﮯ ﻣﮑﻤﻞ ﺍﺟﺘﻨﺎﺏ ﭘﺎﯾﺎ ﺟﺎﺗﺎ ﮨﮯ، ﺍﻭﺭﺍﺱ ﻣﯿﮟ ﻗﺮﺁﻥ ﻭﺣﺪﯾﺚ ﮐﯽ ﺗﻌﻠﯿﻤﺎﺕ ﺳﮯ ﻣﮑﻤﻞ ﻭﺍﺑﺴﺘﮕﯽ ﺍﻭﺭ ﻭﺍﺭﻓﺘﮕﯽ ﻧﻤﺎﯾﺎﮞ ﮨﻮﺗﯽ ﮨﮯ۔ﺍﻭﺭ ﺩﻭﺳﺮﺍ ﭘﮩﻠﻮ ﻧﻔﯽ ﮨﮯ، ﺟﺲ ﻣﯿﮟ ﻣﮑﻤﻞ ﺑﺪﻋﺎﺕ ﺍﻭﺭ ﺧﺮﺍﻓﺎﺕ ( ﻣﺸﺮﮐﺎﻧﮧ ﮐﺮﺩﺍﺭ ) ﻧﻤﺎﯾﺎﮞ ﮨﻮﺗﮯ ﮨﯿﮟ۔
ﺗﻌﺒﯿﺮ ﺩﻭﻡ ﮐﯽ ﺍﺑﺘﺪﺍﺀ ﻣﺴﺘﺸﺮﻗﯿﻦ ﻧﮯ ﮐﯽ ﮨﮯ، ﺳﺎﺩﮦ ﻟﻮﺡ ﻣﺴﻠﻤﺎﻥ ﺗﻌﺒﯿﺮ ﺩﻭﻡ ﺳﮯ ﻣﺘﺎﺛﺮ ﮨﻮﮐﺮ ﺗﺼﻮﻑ ﮐﯽ ﺗﻤﺎﻡ ﺗﻌﻠﯿﻤﺎﺕ ﮐﻮ ﯾﮑﺴﺮ ﺍﻧﮑﺎﺭ ﮐﺮﺗﮯ ﺑﻠﮑﮧ ﻣﺨﺎﻟﻔﺖ ﭘﺮ ﺁﻣﺎﺩﮦ ﮨﻮﺟﺎﺗﮯ ﮨﯿﮟ۔
ﺣﻀﺮﺕ ﺍﻣﺎﻡ ﺍﺑﻮﺣﻨﯿﻔﮧ ﺭﺣﻤﺔ ﺍﻟﻠﮧ ﻋﻠﯿﮧ ﮐﯽ ﺳﺎﺭﯼ ﺯﻧﺪﮔﯽ ﻋﻠﻤﯽ ﺍﻭﺭ ﻋﻤﻠﯽ ﺗﺼﻮﻑ ﺳﮯ ﻟﺒﺮﯾﺰ ﺗﮭﯽ۔
ﺍﻣﯿﺮﺍﻟﻤﻮﻣﻨﯿﻦ ﺣﻀﺮﺕ ﻋﻠﯽ ﺍﺑﻦ ﺍﺑﯽ ﻃﺎﻟﺐ ﺭﺿﯽ ﺍﻟﻠﮧ ﻋﻨﮧ ﮐﮯ ﺗﻌﻠﻖ ﺳﮯ ﺗﻤﺎﻡ ﺍﮨﻞ ﺳﻼﺳﻞ ﮐﺎ ﺍﺗﻔﺎﻕ ﮨﮯ ﮐﮧ ﺍﻣﯿﺮ ﺍﻟﻤﻮﻣﻨﯿﻦ ﺳﮯ ﺗﺼﻮﻑ ﺟﺎﺭﯼ ﮨﻮﺍ، ﺍﻭﺭ ﺻﻮﻓﯿﺎﺋﮯ ﮐﺮﺍﻡ ﮐﮯ ﺳﺮﺩﺍﺭ ﺍﻣﯿﺮﺍﻟﻤﻮﻣﻨﯿﻦ ﺭﺿﯽ ﺍﻟﻠﮧ ﻋﻨﮧ ﮨﯿﮟ۔
ﺣﻀﺮﺕ ﺍﻣﯿﺮﺍﻟﻤﻮﻣﻨﯿﻦ ﺭﺿﯽ ﺍﻟﻠﮧ ﻋﻨﮧ ﺳﮯ ﺣﻀﺮﺕ ﺍﻣﺎﻡ ﺍﺑﻮﺣﻨﯿﻔﮧ ﮐﮯ ﺩﺍﺩﺍ ( ﺯﻭﻃﯽ ﯾﺎ ﺯﻭﻃﯽٰ ﺍﺳﻼﻡ ﻗﺒﻮﻝ ﮐﺮﻧﮯ ﮐﮯ ﺑﻌﺪ ﺍﻥ ﮐﺎ ﻧﺎﻡ ﻧﻌﻤﺎﻥ ﺭﮐﮭﺎﮔﯿﺎ ) ﮐﮯ ﻋﻘﯿﺪﺕ ﻣﻨﺪﺍﻧﮧ ﺗﻌﻠﻘﺎﺕ ﺗﮭﮯ۔ ﺍﻭﺭ ﻧﻌﻤﺎﻥ ﮐﮯ ﮔﮭﺮ ﻟﮍﮐﺎ ﭘﯿﺪﺍﮨﻮﺍ، ﺍﺱ ﮐﺎ ﻧﺎﻡ ﺛﺎﺑﺖ ﺭﮐﮭﺎ ﮔﯿﺎ، ﻧﻮﻣﻮﻟﻮﺩ ﺛﺎﺑﺖ ﮐﻮ ﻧﻌﻤﺎﻥ ﻧﮯ ﺣﻀﺮﺕ ﻋﻠﯽ ﺭﺿﯽ ﺍﻟﻠﮧ ﻋﻨﮧ ﮐﮯ ﯾﮩﺎﮞ ﻟﮯ ﮔﺌﮯ ﺍﻭﺭ ﺩﻋﺎﺋﯿﮟ ﻟﮯ ﮐﺮ ﻟﻮﭦ ﺁﺋﮯ، ﺛﺎﺑﺖ ﮐﻮ ﺍﻟﻠﮧ ﺗﻌﺎﻟﯽٰ ﻧﮯ ﻟﮍﮐﺎ ﻋﻄﺎ ﮐﯿﺎ، ﺍﺱ ﮐﺎ ﻧﺎﻡ ﻧﻌﻤﺎﻥ ﺭﮐﮭﺎ ﮔﯿﺎ۔ ﻧﻌﻤﺎﻥ ﺑﻦ ﺛﺎﺑﺖ ﺑﻦ ﻧﻌﻤﺎﻥ ﮨﮯ، ﺍﺱ ﻃﺮﺡ ﺍﻣﺎﻡ ﺍﺑﻮﺣﻨﯿﻔﮧ ﺳﮯ ﺍﻣﯿﺮﺍﻟﻤﻮﻣﻨﯿﻦ ﺣﻀﺮﺕ ﻋﻠﯽ ﺍﺑﻦ ﺍﺑﯽ ﻃﺎﻟﺐ ﺳﮯ ﺧﺎﺹ ﺗﻌﻠﻖ ﺗﮭﺎ، ﺍﻭﺭ ﺩﻭﺳﺮﺍ ﺧﺎﺹ ﺗﻌﻠﻖ ﯾﮧ ﺗﮭﺎ ﮐﮧ ﺍﻣﺎﻡ ﺍﺑﻮﺣﻨﯿﻔﮧ ﮐﮯ ﺍﺳﺎﺗﺬﮦ ﮐﮯ ﺍﺳﺎﺗﺬﮦ ﻣﯿﮟ ﺍﻣﯿﺮﺍﻟﻤﻮﻣﻨﯿﻦ ﺁﺗﮯ ﮨﯿﮟ۔
ﺍﻥ ﺩﻭﻧﻮﮞ ﺧﺼﻮﺻﯿﺎﺕ ﺳﮯ ﺁﺭﺍﺳﺘﮧ ﮨﻮﻧﮯ ﮐﯽ ﻭﺟﮧ ﺳﮯ ﺣﻀﺮﺕ ﺍﻣﺎﻡ ﺍﺑﻮﺣﻨﯿﻔﮧ ﮐﮯ ﺗﻠﻤﯿﺬ ﺣﻀﺮﺕ ﺩﺍﺅﺩ ﻃﺎﺋﯽ ﺭﺣﻤﺔ ﺍﻟﻠﮧ ﻋﻠﯿﮧ ﺷﯿﺦ ﺳﻼﺳﻞ ﻣﯿﮟ ﺷﺎﻣﻞ ﺍﻭﺭ ﮐﺎﻣﻞ ﻧﻈﺮ ﺁﺗﮯ ﮨﯿﮟ۔
No comments:
Post a Comment