ﺳﻮﺗﯽ ﯾﺎ ﺍﻭﻧﯽ ﺟﺮﺍﺑﻮﮞ ﭘﺮ ﻣﺴﺢ ﮐﺮﻧﮯ ﮐﯽ
ﺷﺮﻋﯽ ﺣﯿﺜﯿﺖ
ﺟﺲ ﻗﺴﻢ ﮐﮯ ﺳﻮﺗﯽ ، ﺍﻭﻧﯽ ﯾﺎ ﻧﺎﺋﯿﻠﻮﻥ ﮐﮯ ﻣﻮﺯﮮ ، ﺁﺟﮑﻞ ﺭﺍﺋﺞ
ﮨﯿﮟ ، ﺍﻥ ﭘﺮ ﻣﺴﺢ ﮐﺮﻧﺎ ﺍﺋﻤﮧ ﻣﺠﺘﮩﺪﯾﻦ ﻣﯿﮟ ﺳﮯ ﮐﺴﯽ ﮐﮯ ﻧﺰﺩﯾﮏ
ﺟﺎﺋﺰ ﻧﮩﯿﮟ ، ﺍﯾﺴﮯ ﺑﺎﺭﯾﮏ ﻣﻮﺯﻭﮞ ﮐﮯ ﺑﺎﺭﮮ ﻣﯿﮟ ﺗﻤﺎﻡ ﻣﺠﺘﮩﺪﯾﻦ ﺍﺱ
ﭘﺮ ﻣﺘﻔﻖ ﮨﯿﮟ ﮐﮧ ﺍﻥ ﭘﺮ ﻣﺴﺢ ﮐﺮﻧﺎ ﺟﺎﺋﺰ ﻧﮩﯿﮟ ﮨﮯ ﭼﻨﺎﻧﭽﮧ ﻣﻠﮏ
ﺍﻟﻌﻠﻤﺎﺀ ﮐﺎﺳﺎﻧﯽؒ ﻟﮑﮭﺘﮯ ﮨﯿﮟ
ﻓﺈﻥ ﮐﺎﻧﺎ ﺭﻗﯿﻘﯿﻦ ﯾﺸﻔﺎﻥ ﺍﻟﻤﺎﺀ، ﻻ ﯾﺠﻮﺯ ﺍﻟﻤﺴﺢ ﻋﻠﯿﮭﻤﺎﺑﺎﻹﺟﻤﺎﻉ
ﺍﻭﺭ ﻋﻼﻣﮧ ﺍﺑﻦ ﻧﺠﯿﻢؒ ﻓﺮﻣﺎﺗﮯ ﮨﯿﮟ :
ﻭﻻ ﯾﺠﻮﺯ ﺍﻟﻤﺴﺢ ﻋﻠﯽ ﺍﻟﺠﻮﺭﺏ ﺍﻟﺮﻗﯿﻖ ﻣﻦ ﻏﺰﻝ ﺍﻭ ﺷﻌﺮ ﺑﻼ ﺧﻼﻑ
، ﻭﻟﻮﮐﺎﻥ ﺛﺨﯿﻨﺎ ﯾﻤﺸﯽ ﻣﻌﮧ ﻓﺮﺳﺨﺎ ﻓﺼﺎﻋﺪﺍ، ﻓﻌﻠﯽ ﺍﻟﺨﻼﻑ .
( ﺍﻟﺒﺤﺮﺍﻟﺮﺍﺋﻖ ﺹ۱۹۲ﺝ۱ )
ﺍﺱ ﺳﮯ ﻣﻌﻠﻮﻡ ﮨﻮﺍ ﮐﮧ ﺟﻦ ﻣﻮﺯﻭﮞ ﻣﯿﮟ ’’ ﺛﺨﯿﻦ ‘‘ ﮐﯽ
ﺷﺮﺍﺋﻂ ﻧﮧ ﭘﺎﺋﯽ ﺟﺎﺗﯽ ﮨﻮﮞ، ﯾﻌﻨﯽ ﺍﻥ ﻣﯿﮟ ﭘﺎﻧﯽ ﭼﮭﻦ ﺟﺎﺗﺎ ﮨﻮ، ﯾﺎ
ﻭﮦ ﮐﺴﯽ ﭼﯿﺰ ﺳﮯ ﺑﺎﻧﺪﮬﮯ ﺑﻐﯿﺮ ﻣﺤﺾ ﺍﭘﻨﯽ ﻣﻮﭨﺎﺋﯽ ﮐﯽ ﺑﻨﺎﺀ ﭘﺮ
ﮐﮭﮍﮮ ﻧﮧ ﺭﮦ ﺳﮑﺘﮯ ﮨﻮﮞ، ﯾﺎ ﺍﻥ ﻣﯿﮟ ﺍﯾﮏ ﮐﻮﺱ ﺗﮏ ﺑﻐﯿﺮ ﺟﻮﺗﮯ ﮐﮯ
ﭼﻠﻨﺎ ﻣﻤﮑﻦ ﻧﮧ ﮨﻮ، ﺍﻥ ﭘﺮ ﻣﺴﺢ ﮐﺮﻧﺎ ﮐﺴﯽ ﺑﮭﯽ ﻣﺠﺘﮩﺪ ﮐﮯ ﻣﺬﮨﺐ
ﻣﯿﮟ ﺟﺎﺋﺰ ﻧﮩﯿﮟ ، ﮨﺎﮞ ﺟﻦ ﻣﻮﺯﻭﮞ ﻣﯿﮟ ﯾﮧ ﺗﯿﻨﻮﮞ ﺷﺮﺍﺋﻂ ﭘﺎﺋﯽ
ﺟﺎﺗﯽ ﮨﻮﮞ، ﺍﻥ ﭘﺮ ﻣﺴﺢ ﮐﮯ ﺟﻮﺍﺯ ﻭ ﻋﺪﻡ ﺟﻮﺍﺯ ﻣﯿﮟ ﺍﺧﺘﻼﻑ ﮨﮯ
ﻭﺍﻗﻌﮧ ﯾﮧ ﮨﮯ ﮐﮧ ﻗﺮﺁﻥ ﮐﺮﯾﻢ ﻧﮯ ﺳﻮﺭﮦ ﻣﺎﺋﺪﮦ ﻣﯿﮟ ﻭﺿﻮ ﮐﺎ ﺟﻮ
ﻃﺮﯾﻘﮧ ﺑﯿﺎﻥ ﻓﺮﻣﺎﯾﺎ ﮨﮯ ﺍﺱ ﻣﯿﮟ ﭘﻮﺭﯼ ﻭﺿﺎﺣﺖ ﮐﮯ ﺳﺎﺗﮫ ﭘﺎﺅﮞ
ﺩﮬﻮﻧﮯ ﮐﺎ ﺣﮑﻢ ﺩﯾﺎ ﮨﮯ ، ﻧﮧ ﮐﮧ ﺍﻥ ﭘﺮ ﻣﺴﺢ ﮐﺮﻧﮯ ﮐﺎﻟﮩﺬﺍ ﻗﺮﺁﻥ ﮐﺮﯾﻢ
ﮐﯽ ﺍﺱ ﺁﯾﺖ ﮐﺎ ﺗﻘﺎﺿﺎ ﯾﮧ ﮨﮯ ﮐﮧ ﻭﺿﻮ ﻣﯿﮟ ﮨﻤﯿﺸﮧ ﭘﺎﺅﮞ ﺩﮬﻮﺋﮯ
ﺟﺎﺋﯿﮟ، ﺍﻭﺭ ﺍﻥ ﭘﺮ ﻣﺴﺢ ﮐﺴﯽ ﺻﻮﺭ ﺕ ﻣﯿﮟ ﺑﮭﯽ ﺟﺎﺋﺰ ﻧﮧ ﮨﻮ ﯾﮩﺎﮞ
ﺗﮏ ﮐﮧ ﺟﺐ ﮐﺴﯽ ﺷﺨﺺ ﻧﮯ ﭼﻤﮍﮮ ﮐﮯ ﻣﻮﺯﮮ ﭘﮩﻨﮯ ﮨﻮﺋﮯ ﮨﻮﮞ ﺍﺱ
ﻭﻗﺖ ﺑﮭﯽ ﻣﺴﺢ ﮐﯽ ﺍﺟﺎﺯﺕ ﻧﮧ ﮨﻮ ، ﻟﯿﮑﻦ ﭼﻤﮍﮮ ﮐﮯ ﻣﻮﺯﻭﮞ ﭘﺮ
ﺍﺟﺎﺯﺕ ﺟﻮ ﺑﺎﺟﻤﺎﻉ ﺍﻣﺖ ﺩﯼ ﮔﺌﯽ ﮨﮯ ، ﺍﺱ ﮐﯽ ﻭﺟﮧ ﯾﮧ ﮨﮯ ﮐﮧ
ﺍﯾﺴﮯ ﻣﻮﺯﻭﮞ ﭘﺮ ﻣﺴﺢ ﮐﺮﻧﺎ ﺍﻭﺭ ﺍﺳﮑﯽ ﺍﺟﺎﺯﺕ ﺩﯾﻨﺎ ﺁﻧﺤﻀﺮﺕ ﷺ
ﺳﮯ ﺍﯾﺴﮯ ﺗﻮﺍﺗﺮ ﺳﮯ ﺛﺎﺑﺖ ﮨﮯ ﺟﺲ ﮐﺎ ﺍﻧﮑﺎﺭ ﻣﻤﮑﻦ ﻧﮩﯿﮟ ۔ ﺍﮔﺮ ﻣﺴﺢ
ﻋﻠﯽ ﺍﻟﺨﻔﯿﻦ ﮐﮯ ﺟﻮﺍﺯ ﭘﺮ ﺩﻭ ﺗﯿﻦ ﺣﺪﯾﺜﯿﮟ ﮨﻮﺗﯿﮟ ﺗﺐ ﺑﮭﯽ ﺍﻥ ﮐﯽ
ﺑﻨﺎﺀ ﭘﺮ ﻗﺮﺁﻥ ﮐﺮﯾﻢ ﭘﺮ ﺯﯾﺎﺩﺗﯽ ﯾﺎ ﺍﺳﮑﺎ ﻧﺴﺦ ﯾﺎ ﺍﺱ ﮐﯽ ﺗﻘﯿﯿﺪ ﺟﺎﺋﺰ
ﻧﮩﯿﮟ ﮨﻮﺗﯽ ۔ ﻟﯿﮑﻦ ﭼﻮﻧﮑﮧ ﻣﺴﺢ ﻋﻠﯽ ﺍﻟﺨﻔﯿﻦ ﮐﯽ ﺍﺣﺎﺩﯾﺚ ﻣﻌﻨﯽ
ﻣﺘﻮﺍﺗﺮ ﮨﯿﮟ ، ﺍﺱ ﻟﺌﮯ ﺍﻥ ﻣﺘﻮﺍﺗﺮ ﺍﺣﺎﺩﯾﺚ ﮐﯽ ﺭﻭﺷﻨﯽ ﻣﯿﮟ ﺗﻤﺎﻡ
ﺍﻣﺖ ﮐﺎ ﺍﺱ ﭘﺮ ﺍﺟﻤﺎﻉ ﻣﻨﻌﻘﺪ ﮨﻮ ﮔﯿﺎ ﮐﮧ ﻗﺮﺁﻥ ﮐﺮﯾﻢ ﮐﯽ ﺁﯾﺖ ﻣﯿﮟ
ﭘﺎﺅﮞ ﺩﮬﻮﻧﮯ ﮐﺎ ﺣﮑﻢ ﺍﺱ ﺻﻮﺭﺕ ﮐﮯ ﺳﺎﺗﮫ ﻣﺨﺼﻮﺹ ﮨﮯ ﺟﺐ
ﺍﻧﺴﺎﻥ ﻧﮯ ﺧﻔﯿﻦ ( ﯾﻌﻨﯽ ﭼﻤﮍﮮ ﮐﮯ ﻣﻮﺯﮮ ) ﻧﮧ ﭘﮩﻦ ﺭﮐﮭﮯ ﮨﻮﮞ،
ﭼﻨﺎﻧﭽﮧ ﺍﻣﺎﻡ ﺍﺑﻮ ﺣﻨﯿﻔﮧؒ ﻓﺮﻣﺎﺗﮯ ﮨﯿﮟ:
ﻣﺎﻗﻠﺖ ﺑﺎﻟﻤﺴﺢ ﺣﺘﯽ ﺟﺎﺀﻧﯽ ﻓﯿﮧ ﺿﻮﺀ ﺍﻟﻨﮭﺎﺭ (ﺍﻟﺒﺤﺮ ﺍﻟﺮﺍﺋﻖ
ﺹ۱۷۳ﺝ۱ )
ﻣﯿﮟ ﻣﺴﺢ ﻋﻠﯽ ﺍﻟﺨﻔﯿﻦ ﮐﺎ ﺍﺱ ﻭﻗﺖ ﺗﮏ ﻗﺎﺋﻞ ﻧﮩﯿﮟ ﮨﻮﺍ ﺟﺐ ﺗﮏ
ﻣﯿﺮﮮ ﭘﺎﺱ ﺭﻭﺯ ﺭﻭﺷﻦ ﮐﯽ ﻃﺮﺡ ﺍﺱ ﮐﮯ ﺩﻻﺋﻞ ﻧﮩﯿﮟ ﭘﮩﻨﭻ ﮔﺌﮯ۔
ﭼﻨﺎﻧﭽﮧ ﻣﺴﺢ ﻋﻠﯽ ﺍﻟﺨﻔﯿﻦ ﮐﺎ ﺣﮑﻢ ﺍﺳﯽ (۸۰ ) ﺻﺤﺎﺑﮧ ﮐﺮﺍﻡ ﺭﺿﻮﺍﻥ
ﺍﻟﻠﮧ ﻋﻠﯿﮩﻢ ﻧﮯ ﺭﻭﺍﯾﺖ ﮐﯿﺎ ﮨﮯ ۔ ﺣﺎﻓﻆ ﺍﺑﻦ ﺣﺠﺮؒ ﻓﺘﺢ ﺍﻟﺒﺎﺭﯼ ﻣﯿﮟ
ﻟﮑﮭﺘﮯ ﮨﯿﮟ :
ﻭﻗﺪ ﺻﺮﺡ ﺟﻤﻊ ﻣﻦ ﺍﻟﺤﻔﺎﻅ ﺑﺎﻥ ﺍﻟﻤﺴﺢ ﻋﻠﯽ ﺍﻟﺨﻔﯿﻦ ﻣﺘﻮﺍﺗﺮ ﻭﺟﻤﻊ
ﺑﻌﻀﮭﻢ ﺭﻭﺍﺗﮧ ﻓﺠﺎﻭﺯﻭﺍ ﺍﻟﺜﻤﺎﻧﯿﻦ ﻣﻨﮭﻢ ﺍﻟﻌﺸﺮۃ (ﻧﯿﻞ ﺍﻻﻭﻃﺎﺭ ﺹ
۱۷۶ﺝ۱ )
ﺣﻔﺎﻅ ﮐﯽ ﺍﯾﮏ ﺑﮍﯼ ﺟﻤﺎﻋﺖ ﻧﮯ ﺗﺼﺮﯾﺢ ﮐﯽ ﮨﮯ ﮐﮧ ﻣﺴﺢ ﻋﻠﯽ
ﺍﻟﺨﻔﯿﻦ ﮐﺎ ﺣﮑﻢ ﻣﺘﻮﺍﺗﺮ ﮨﮯ ، ﺍﻭﺭ ﺑﻌﺾ ﺣﻀﺮﺍﺕ ﻧﮯ ﺍﺱ ﺭﻭﺍﯾﺖ
ﮐﺮﻧﯿﻮﺍﻟﮯ ﺻﺤﺎﺑﮧ ﮐﻮ ﺟﻤﻊ ﮐﯿﺎ ﺗﻮ ﻭﮦ ﺍﺳﯽ ( ۸۰ ) ﺳﮯ ﻣﺘﺠﺎﻭﺯ ﺗﮭﮯ
ﺟﻦ ﻣﯿﮟ ﻋﺸﺮۃ ﻣﺒﺸﺮﮦ ﺑﮭﯽ ﺷﺎﻣﻞ ﮨﯿﮟ۔
ﺍﻭﺭﺣﻀﺮﺕ ﺣﺴﻦ ﺑﺼﺮﯼؒ ﻓﺮﻣﺎﺗﮯ ﮨﯿﮟ:
ﺃﺩﺭﮐﺖ ﺳﺒﻌﯿﻦ ﺑﺪﺭﯾﺎ ﻣﻦ ﺍﻟﺼﺤﺎﺑۃ ﮐﻠﮭﻢ ﮐﺎﻧﻮﺍ ﯾﺮﻭﻥ ﺍﻟﻤﺴﺢ ﻋﻠﯽ
ﺍﻟﺨﻔﯿﻦ ( ﺗﻠﺨﯿﺺ ﺍﻟﺠﺒﯿﺮ ﺹ ۱۵۸ﺝ۱ ﻭ ﺑﺪﺍﺋﻊ ﺹ۷ﺝ۱ )
ﺍﮔﺮ ﻣﺴﺢ ﻋﻠﯽ ﺍﻟﺨﻔﯿﻦ ﮐﺎ ﺣﮑﻢ ﺍﯾﺴﮯ ﺗﻮﺍﺗﺮ ﯾﺎ ﺍﺳﺘﻔﺎﺿﮯ ﮐﮯ ﺳﺎﺗﮫ
ﺛﺎﺑﺖ ﻧﮧ ﮨﻮﺗﺎ ﺗﻮ ﻗﺮﺁﻥ ﮐﺮﯾﻢ ﻧﮯ ﭘﺎﺅﮞ ﺩﮬﻮﻧﮯ ﮐﺎ ﺟﻮ ﺣﮑﻢ ﺩﯾﺎ ﺍﺱ
ﻣﯿﮟ ﮐﺴﯽ ﺗﺨﺼﯿﺺ ﯾﺎﺗﻘﯿﯿﯿﺪ ﮐﯽ ﮔﻨﺠﺎﺋﺶ ﻧﮩﯿﮟ ﺗﮭﯽ ، ﭼﻨﺎﻧﭽﮧ
ﺍﻣﺎﻡ ﺍﺑﻮ ﯾﻮﺳﻒؒ ﻓﺮﻣﺎﺗﮯ ﮨﯿﮟ۔
ﺇﻧﻤﺎ ﯾﺠﻮﺯ ﻧﺴﺦ ﺍﻟﻘﺮﺁﻥ ﺑﺎﻟﻨﺴﺒۃ ﺍﺯﺍ ﻭﺭﺩﺕ ﮐﻮﺭﺩ ﺍﻟﻤﺴﺢ ﻋﻠﯽ ﺍﻟﺨﻔﯿﻦ
ﺍﻻ ﺳﺘﻔﺎﺿۃ ( ﺍﺣﮑﺎﻡ ﺍﻟﻘﺮﺁﻥ ﻟﻠﺠﺼﺎﺹ ﺹ ۴۲۵ﺝ۲ )
ﺳﻨﺖ ﻧﺒﻮﯾﮧ ﺳﮯ ﻗﺮﺁﻥ ﮐﺮﯾﻢ ﮐﮯ ﮐﺴﯽ ﺣﮑﻢ ﮐﻮ ﻣﻨﺴﻮﺥ (ﺑﻤﻌﻨﯽ
ﻣﻘﯿﺪ ) ﮐﺮﻧﺎ ﺍﺳﯽ ﻭﻗﺖ ﺟﺎﺋﺰ ﮨﻮ ﺳﮑﺘﺎ ﮨﮯ ﺟﺐ ﻭﮦ ﺳﻨﺖ ﺍﯾﺴﮯ ﺗﻮﺍﺗﺮ
ﺳﮯ ﺛﺎﺑﺖ ﮨﻮ ﺟﯿﺴﮯ ﻣﺴﺢ ﻋﻠﯽ ﺍﻟﺨﻔﯿﻦ ﺛﺎﺑﺖ ﮨﮯ
ﺧﻼﺻﮧ ﯾﮧ ﮨﮯ ﮐﮧ ﻭﺿﻮ ﻣﯿﮟ ﭘﺎﺅﮞ ﺩﮬﻮﻧﮯ ﮐﺎ ﻗﺮﺁﻧﯽ ﺣﮑﻢ ﺍﯾﺴﯽ
ﭼﯿﺰ ﻧﮩﯿﮟ ﮨﮯ ﺟﺴﮯ ﺩﻭ ﺗﯿﻦ ﺭﻭﺍﯾﺘﻮﮞ ﮐﯽ ﺑﻨﯿﺎﺩ ﭘﺮ ﮐﺴﯽ ﺧﺎﺹ
ﺣﺎﻟﺖ ﮐﮯ ﺳﺎﺗﮫ ﻣﺨﺼﻮﺹ ﮐﺮ ﺩﯾﺎ ﺟﺎﺋﮯ ، ﺑﻠﮑﮧ ﺍﺱ ﮐﮯ ﻟﺌﮯ ﺍﯾﺴﺎ
ﺗﻮﺍﺗﺮ ﺩﺭﮐﺎﺭ ﮨﮯ ﺟﯿﺴﺎ ﻣﺴﺢ ﻋﻠﯽ ﺍﻟﺨﻔﯿﻦ ﮐﯽ ﺍﺣﺎﺩﯾﺚ ﮐﻮ ﺣﺎﺻﻞ
ﮨﮯ۔ ﺍﺏ’ ﺧﻔﯿﻦ ‘ ( ﭼﻤﮍﮮ ﮐﮯ ﻣﻮﺯﻭﮞ ) ﮐﮯ ﺑﺎﺭﮮ ﻣﯿﮟ ﺗﻮ ﯾﮧ
ﺗﻮﺍﺗﺮ ﻣﻮﺟﻮﺩ ﮨﮯ ﮐﮧ ﺁﻧﺤﻀﺮﺕ ﷺ ﻧﮯ ﺍﻥ ﭘﺮ ﻣﺴﺢ ﺧﻮﺩ ﺑﮭﯽ
ﻓﺮﻣﺎﯾﺎ ﺍﻭﺭ ﺩﻭﺳﺮﻭﮞ ﮐﻮ ﺑﮭﯽ ﺍﺱ ﮐﯽ ﺍﺟﺎﺯﺕ ﺩﯼ، ﻟﯿﮑﻦ ﺧﻔﯿﻦ ﮐﮯ
ﺳﻮﺍ ﮐﺴﯽ ﭼﯿﺰ ﭘﺮ ﻣﺴﺢ ﮐﺮﻧﮯ ﮐﮯ ﺑﺎﺭﮮ ﻣﯿﮟ ﺍﯾﺴﺎ ﺗﻮﺍﺗﺮ ﻣﻮﺟﻮﺩ
ﻧﮩﯿﮟ ﮨﮯ ﺍﻭﺭ ﺧﻔﯿﻦ ﮐﯿﻮﻧﮑﮧ ﻋﺮﺑﯽ ﺯﺑﺎﻥ ﻣﯿﮟ ﺻﺮﻑ ﭼﻤﮍﮮ ﮐﮯ
ﻣﻮﺯﻭﮞ ﮐﻮ ﮐﮩﺘﮯ ﮨﯿﮟ۔ﮐﭙﮍﮮ ﮐﮯ ﻣﻮﺯﻭﮞ ﮐﻮ ﺧﻒ ﻧﮩﯿﮟ ﮐﮩﺎ ﺟﺎﺗﺎ ،
ﺍﺱ ﻟﺌﮯ ﯾﮧ ﺻﺮﻑ ﭼﻤﮍﮮ ﮨﯽ ﮐﮯ ﻣﻮﺯﻭﮞ ﮐﮯ ﺳﺎﺗﮫ ﻣﺨﺼﻮﺹ ﺭﮨﮯ
ﮔﯽ۔ ﺩﻭﺳﺮﮮ ﻣﻮﺯﻭﮞ ﮐﮯ ﺑﺎﺭﮮ ﻣﯿﮟ ﻗﺮﺁﻥ ﮐﺮﯾﻢ ﮐﮯ ﺍﺻﻠﯽ ﺣﮑﻢ
ﯾﻌﻨﯽ ﭘﺎﺅﮞ ﺩﮬﻮﻧﮯ ﭘﺮ ﮨﯽ ﻋﻤﻞ ﮨﻮ ﮔﺎ۔ﮨﺎﮞ ﺍﮔﺮ ﮐﭙﮍﮮ ﮐﮯ ﻣﻮﺯﮮ ﺍﺗﻨﮯ
ﺛﺨﯿﻦ (ﻣﻮﭨﮯ ) ﮨﻮﮞ ﮐﮧ ﻭﮦ ﺍﭘﻨﯽ ﺧﺼﻮﺻﯿﺖ ﺍﻭﺭ ﺍﻭﺻﺎﻑ ﻣﯿﮟ
ﭼﻤﮍﮮ ﮐﮯ ﮨﻢ ﭘﺎﯾﮧ ﮨﻮ ﮔﺌﮯ ﮨﻮﮞ ، ﯾﻌﻨﯽ ﻧﮧ ﺗﻮ ﺍﻥ ﻣﯿﮟ ﭘﺎﻧﯽ ﭼﮭﻨﺘﺎ
ﮨﻮ، ﻧﮧ ﺍﻧﮩﯿﮟ ﮐﮭﮍﺍ ﺭﮐﮭﻨﮯ ﮐﮯ ﻟﺌﮯ ﮐﺴﯽ ﺑﯿﺮﻭﻧﯽ ﺳﮩﺎﺭﮮ ﮐﯽ
ﺿﺮﻭﺭﺕ ﮨﻮ ﺍﻭﺭ ﺍﻧﮑﻮ ﭘﮩﻦ ﮐﺮ ﻣﯿﻞ ﺩﻭ ﻣﯿﻞ ﭼﻞ ﺳﮑﺘﮯ ﮨﻮﮞ ﺗﻮ
ﺍﯾﺴﮯ ﻣﻮﺯﻭﮞ ﮐﮯ ﺑﺎﺭﮮ ﻣﯿﮟ ﻓﻘﮩﺎﺀ ﮐﮯ ﺩﺭﻣﯿﺎﻥ ﺍﺧﺘﻼﻑ ﮨﻮ ﮔﯿﺎ،
ﺑﻌﺾ ﻓﻘﮩﺎﺀ ﻧﮯ ﻓﺮﻣﺎﯾﺎ ﮐﮧ ﭼﻮﻧﮑﮧ ﺍﯾﺴﮯ ﻣﻮﺯﮮ ﭼﻤﮍﮮ ﮨﯽ ﮐﮯ ﻣﻌﻨﯽ
ﻣﯿﮟ ﺁﮔﺌﮯ ﮨﯿﮟ ﺍﺱ ﻟﺌﮯ ﺍﻥ ﭘﺮ ﺑﮭﯽ ﻣﺴﺢ ﺟﺎﺋﺰ ﮨﻮﻧﺎ ﭼﺎﮨﯿﮯ ، ﺍﻭﺭ
ﺑﻌﺾ ﺣﻀﺮﺍﺕ ﻧﮯ ﻓﺮﻣﺎﯾﺎ ﭼﻮﻧﮑﮧ ﻣﺴﺢ ﮐﺮﻧﺎ ﺗﻮﺍﺗﺮ ﮐﮯ ﺳﺎﺗﮫ ﺻﺮﻑ
ﺧﻔﯿﻦ ( ﭼﻤﮍﮮ ﮐﮯ ﻣﻮﺯﻭﮞ ) ﭘﺮ ﮨﯽ ﺛﺎﺑﺖ ﮨﮯ، ﺍﺱ ﻟﺌﮯ ﺍﻥ ﭘﺮ ﻣﺴﺢ
ﮐﺮﻧﺎ ﺩﺭﺳﺖ ﻧﮩﯿﮟ ، ﮔﻮﯾﺎ ﻣﻮﺯﮮ ﺗﯿﻦ ﻗﺴﻢ ﮐﮯ ﮨﻮﮔﺌﮯ۔
(۱ ) ﭼﻤﮍﮮ ﮐﮯ ﻣﻮﺯﮮ ﺟﻨﮩﯿﮟ ﺧﻔﯿﻦ ﮐﮩﺎ ﺟﺎﺗﺎ ﮨﮯ ، ﺍﻥ ﭘﺮ ﻣﺴﺢ
ﺑﺎﺟﻤﺎﻉ ﺟﺎﺋﺰ ﮨﮯ۔
(۲ ) ﻭﮦ ﺑﺎﺭﯾﮏ ﻣﻮﺯﮮ ﺟﻮ ﻧﮧ ﭼﻤﮍﮮ ﮐﮯ ﮨﻮﮞ، ﺍﻭﺭﻧﮧ ﺍﻥ ﻣﯿﮟ ﭼﻤﮍﮮ
ﮐﮯ ﺍﻭﺻﺎﻑ ﭘﺎﺋﮯ ﺟﺎﺗﮯ ﮨﻮﮞ ، ﺟﯿﺴﮯ ﺁﺟﮑﻞ ﮐﮯ ﺳﻮﺗﯽ، ﺍﻭﻧﯽ ﯾﺎ
ﻧﺎﻧﺌﯿﻠﻮﻥ ﮐﮯ ﻣﻮﺯﮮ ، ﺍﻥ ﮐﮯ ﺑﺎﺭﮮ ﻣﯿﮟ ﺍﺟﻤﺎﻉ ﮨﮯ ﮐﮧ ﺍﻥ ﭘﺮ ﻣﺴﺢ
ﺟﺎﺋﺰ ﻧﮩﯿﮟ ﮐﯿﻮﻧﮑﮧ ﺍﯾﺴﮯ ﻣﻮﺯﻭﮞ ﭘﺮ ﻣﺴﺢ ﮐﺮﻧﺎ ﺍﯾﺴﮯ ﺩﻻﺋﻞ ﺳﮯ
ﺛﺎﺑﺖ ﻧﮩﯿﮟ ﺟﻦ ﮐﯽ ﺑﻨﺎﺀ ﭘﺮ ﭘﺎﺅﮞ ﺩﮬﻮﻧﮯ ﮐﮯ ﻗﺮﺁﻧﯽ ﺣﮑﻢ ﮐﻮ ﭼﮭﻮﮌﺍ
ﺟﺎﺳﮑﮯ۔
(۳ ) ﻭﮦ ﻣﻮﺯﮮ ﺟﻮ ﭼﻤﮍﮮ ﮐﮯ ﺗﻮ ﻧﮩﯿﮞﮩﯿﮟ، ﻟﯿﮑﻦ ﺍﻥ ﻣﯿﮟ ﻣﻮﭨﮯ
ﮨﻮﻧﮯ ﮐﯽ ﺑﻨﺎﺀ ﭘﺮ ﺍﻭﺻﺎﻑ ﭼﻤﮍﮮ ﮨﯽ ﮐﮯ ﭘﺎﺋﮯ ﺟﺎﺗﮯ ﮨﯿﮟ۔ ﺍﻥ ﭘﺮ
ﻣﺴﺢ ﮐﮯ ﺟﻮﺍﺯ ﻣﯿﮟ ﻓﻘﮩﺎﺀ ﮐﺎ ﺍﺧﺘﻼﻑ ﮨﮯ۔
ﺧﻼﺻﮧ ﯾﮧ ﮨﮯ ﮐﮧ ﺟﻮ ﻣﻮﺯﮮ ﭼﻤﮍﮮ ﺟﯿﺴﮯ ﻧﮧ ﮨﻮﮞ ، ﺍﻥ ﭘﺮ ﻣﺴﺢ
ﮐﮯ ﻋﺪﻡ ﺟﻮﺍﺯ ﻣﯿﮟ ﻣﺠﺘﮩﺪﯾﻦ ﺍﻣﺖ ﮐﺎ ﮐﻮﺋﯽ ﺍﺧﺘﻼﻑ ﻧﮩﯿﮟ ﺍﻭﺭ ﺍﺱ
ﮐﯽ ﻭﺟﮧ ﯾﮩﯽ ﮨﮯ ﮐﮧ ﭘﺎﺅﮞ ﺩﮬﻮﻧﮯ ﮐﮯ ﻗﺮﺁﻧﯽ ﺣﮑﻢ ﮐﻮ ﺍﺱ ﻭﻗﺖ
ﺗﮏ ﻧﮩﯿﮟ ﭼﮭﻮﮌﺍ ﺟﺎ ﺳﮑﺘﺎ ﺟﺐ ﺗﮏ ﮐﮧ ﻣﺴﺢ ﮐﺎ ﺣﮑﻢ ﺍﯾﺴﮯ ﺗﻮﺍﺗﺮ
ﺳﮯ ﺛﺎﺑﺖ ﻧﮧ ﮨﻮﺟﺎﺋﮯ ﺟﺲ ﺗﻮﺍﺗﺮ ﺳﮯ ﻣﺴﺢ ﻋﻠﯽ ﺍﻟﺨﻔﯿﻦ ﮐﺎ ﺟﻮﺍﺯ
ﺛﺎﺑﺖ ﮨﮯ ۔ﻟﮩﺬﺍ ﻓﻘﮩﺎﺀ ﮐﺮﺍﻡ ﻧﮯ ﮐﭙﮍﮮ ﮐﮯ ﻣﻮﺯﻭﮞ ﭘﺮ ﻣﺴﺢ ﮐﮯ ﻟﺌﮯ
ﺟﻮ ﺷﺮﻃﯿﮟ ﻟﮕﺎﺋﯽ ﮨﯿﮟ ﻭﮦ ﺍﭘﻨﯽ ﻃﺮﻑ ﺳﮯ ﻧﮩﯿﮟ ﻟﮕﺎﺋﯿﮟ، ﺑﻠﮑﮧ ﺍﻥ
ﻣﻮﺯﻭﮞ ﻣﯿﮟ ﭼﻤﮍﮮ ﮐﮯ ﺍﻭﺻﺎﻑ ﮐﮯ ﺗﺤﻘﻖ ﮐﮯ ﻟﺌﮯ ﻟﮕﺎﺋﯽ ﮨﯿﮟ۔ﺍﻭﺭ
ﺍﺱ ﻣﯿﮟ ﺑﮭﯽ ﺍﺧﺘﻼﻑ ﺭﮨﺎ ﮨﮯ ﮐﮧ ﺍﻥ ﺷﺮﺍﺋﻂ ﮐﮯ ﺗﺤﻘﻖ ﮐﮯ ﺑﻌﺪ ﺑﮭﯽ
ﺍﻥ ﭘﺮ ﻣﺴﺢ ﺟﺎﺋﺰ ﮨﮯ ﯾﺎ ﻧﮩﯿﮟ۔ ﺣﻘﯿﻘﺖ ﻣﺴﺌﻠﮧ ﮐﯽ ﺍﺱ ﻭﺿﺎﺣﺖ ﮐﮯ
ﺑﻌﺪ ﺍﺏ ﺍﻥ ﺭﻭﺍﯾﺎﺕ ﮐﻮ ﺩﯾﮑﮭﺌﮯ ﺟﻦ ﻣﯿﮟ ﺟﻮﺭﺑﯿﻦ ( ﺟﻮﺭﺍﺑﻮﮞ )ﭘﺮ
ﻣﺴﺢ ﮐﺎ ﺫﮐﺮ ﺁﯾﺎ ﮨﮯ، ﺳﺎﺭﮮ ﺫﺧﯿﺮﮦ ﺣﺪﯾﺚ ﻣﯿﮟ ﯾﮧ ﮐﻞ ﺗﯿﻦ
ﺣﺪﯾﺜﯿﮟ ﮨﯿﮟ ﺍﯾﮏ ﺣﻀﺮﺕ ﺑﻼﻝؓ ﺳﮯ ﻣﺮﻭﯼ ﮨﮯ، ﺍﯾﮏ ﺣﻀﺮﺕ ﻣﻮﺳﯽ
ﺍﺷﻌﺮﯼؓ ﺳﮯ ، ﺍﻭﺭ ﺍﯾﮏ ﺣﻀﺮﺕ ﻣﻐﯿﺮﮦ ﺑﻦ ﺷﻌﺒﮧ ﺭﺿﯽ ﺍﻟﻠﮧ ﻋﻨﮭﻢ
ﺳﮯ۔ ﺣﻀﺮﺕ ﺑﻼﻝ ﮐﯽ ﺣﺪﯾﺚ ﻣﻌﺠﻢ ﺻﻐﯿﺮ ﻃﺒﺮﺍﻧﯽ ﻣﯿﮟ ﮨﮯ، ﺍﻭﺭ
ﺣﻀﺮﺕ ﺍﺑﻮ ﻣﻮﺳﯽؓ ﮐﯽ ﺍﺑﻦ ﻣﺎﺟﮧؒ ﺍﻭﺭ ﺑﮩﯿﻘﯽؒ ﻭﻏﯿﺮﮦ ﻧﮯ ﺭﻭﺍﯾﺖ ﮐﯽ
ﮨﮯ، ﻟﯿﮑﻦ ﺣﺎﻓﻆ ﺯﯾﻠﻌﯽؒ ﻧﮯ ﺍﻥ ﺩﻭﻧﻮﮞ ﮐﮯ ﺑﺎﺭﮮ ﻣﯿﮟ ﺛﺎﺑﺖ ﮐﯿﺎ ﮨﮯ ﮐﮧ
ﯾﮧ ﺩﻭﻧﻮﮞ ﺳﻨﺪﺍ ﺿﻌﯿﻒ ﮨﯿﮟ۔ ( ﻧﺼﺐ ﺍﻟﺮﺍﯾﮧ ﺹ ۱۸۳ﺹ۱۸۴ﺝ۱ )
ﺍﻭﺭ ﺣﻀﺮﺕ ﺍﺑﻮ ﻣﻮﺳﯽؓ ﮐﯽ ﺣﺪﯾﺚ ﮐﮯ ﺑﺎﺭﮮ ﻣﯿﮟ ﺗﻮ ﺍﻣﺎﻡ ﺍﺑﻮﺩﺍﺅﺩؒ
ﻧﮯ ﺑﮭﯽ ﻟﮑﮭﺎ ﮨﮯ ﻟﯿﺲ ﺑﺎﻟﻤﺘﺼﻞ ﻭﻻ ﺑﺎﻟﻘﻮﯼ ( ﺑﺬﻝ ﺍﻟﻤﺠﮭﻮﺩ
ﺹ۹۶ﺝ۱ ) ﻟﮩﺬﺍ ﯾﮧ ﺩﻭﻧﻮﮞ ﺭﻭﺍﯾﺘﯿﮟ ﺗﻮ ﺧﺎﺭﺝ ﺍﺯ ﺑﺤﺚ ﮨﯿﮟ۔
ﻭﮐﺎﻥ ﻋﺒﺪﺍﻟﺮﺣﻤﻦ ﺑﻦ ﻣﮭﺪﯼ ﻻ ﯾﺤﺪﺙ ﺑﮭﺬﮦ ﺍﻟﺤﺪﯾﺚ ﻻﻥ ﺍﻟﻤﻌﺮﻭﻑ
ﻋﻦ ﺍﻟﻤﻐﯿﺮﮦ ﺍﻥ ﺍﻟﻨﺒﯽ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻣﺴﺢ ﻋﻠﯽ ﺍﻟﺨﻔﯿﻦ
( ﺑﺬﻝ ﺍﻟﻤﺠﮭﻮﺩﺹ۹۶ﺝ۱ )
ﺣﻀﺮﺕ ﻋﺒﺪ ﺍﻟﺮﺣﻤﻦ ﺑﻦ ﻣﮭﺪﯼؒ ﯾﮧ ﺣﺪﯾﺚ ﻧﮩﯿﮟ ﺑﯿﺎﻥ ﮐﯿﺎ ﮐﺮﺗﮯ ﺗﮭﮯ
ﮐﯿﻮﻧﮑﮧ ﺣﻀﺮﺕ ﻣﻐﯿﺮﮦ ﺑﻦ ﺷﻌﺒﮧؓ ﺳﮯ ﺟﻮ ﻣﻌﺮﻭﻑ ﺭﻭﺍﯾﺘﯿﮟ ﮨﯿﮟ ﻭﮦ
ﻣﺴﺢ ﻋﻠﯽ ﺍﻟﺨﻔﯿﻦ ﮐﯽ ﮨﯿﮟ، ( ﻧﮧ ﮐﮧ ﺟﻮﺭﺑﯿﻦ ﭘﺮ ﻣﺴﺢ ﮐﯽ)
ﻧﺴﺎﺋﯽ ﺳﻨﻦ ﮐﺒﺮﯼ ﻣﯿﮟ ﻟﮑﮭﺘﮯ ﮨﯿﮟ:
ﻻ ﻧﻌﻠﻢ ﺍﺣﺪﺍ ﺗﺎﺑﻊ ﺍﻧﮧ ﺍﺑﺎ ﻗﯿﺲ ﻋﻠﯽ ﮬﺬﮦ ﺍﻟﺮﻭﺍﯾۃ، ﻭﺍﻟﺼﺤﯿﺢ ﻋﻦ
ﺍﻟﻤﻐﯿﺮﮦ ﺍﻧﮧ ﻋﻠﯿﮧ ﺍﻟﺴﻼﻡ ﻣﺴﺢ ﻋﻠﯽ ﺍﻟﺨﻔﯿﻦ ( ﻧﺼﺐ ﺍﻟﺮﺍﯾﮧ ﺹ
۱۸۳ﺝ۱ )
ﯾﮧ ﺭﻭﺍﯾﺖ ﺍﺑﻮﻗﯿﺲ ﮐﮯ ﺳﻮﺍ ﮐﺴﯽ ﻧﮯ ﺭﻭﺍﯾﺖ ﻧﮩﯿﮟ ﮐﯽ ، ﺍﻭﺭ ﮨﻤﺎﺭﮮ
ﻋﻠﻢ ﻣﯿﮟ ﮐﻮﺋﯽ ﺍﻭﺭ ﺭﺍﻭﯼ ﺍﺱ ﮐﯽ ﺗﺎﺋﯿﺪ ﻧﮩﯿﮟ ﮐﺮﺗﺎ ، ﺍﻟﺒﺘﮧ ﺣﻀﺮﺕ
ﻣﻐﯿﺮﮦؓ ﺳﮯ ﺻﺤﯿﺢ ﺭﻭﺍﯾﺖ ﻣﺴﺢ ﻋﻠﯽ ﺍﻟﺨﻔﯿﻦ ﮐﯽ ﮨﯽ ﮨﮯ ۔
ﺍﺳﮑﮯ ﻋﻼﻭﮦ ﺍﻣﺎﻡ ﻣﺴﻠﻢؒ ، ﺍﻣﺎﻡ ﺑﮩﯿﻘﯽؒ، ﺳﻔﯿﺎﻥ ﺛﻮﺭﯼؒ، ﺍﻣﺎﻡ ﻣﺤﻤﺪؒ،
ﯾﺤﯽ ﺑﻦ ﻣﻌﯿﻦؒ، ﻋﻠﯽ ﺑﻦ ﺍﻟﻤﺪﯾﻨﯽؒ ﺍﻭﺭ ﺩﻭﺳﺮﮮ ﻣﺤﺪﺛﯿﻦ ﻧﮯ ﺍﺱ
ﺭﻭﺍﯾﺖ ﮐﻮ ﺍﺑﻮ ﻗﯿﺲ ﺍﻭﺭ ﮬﺰﯾﻞ ﺑﻦ ﺷﺮﺟﯿﻞ ﺩﻭﻧﻮﮞ ﮐﮯ ﺿﻌﻒ ﮐﯽ
ﺑﻨﺎ ﭘﺮ ﺿﻌﯿﻒ ﻗﺮﺍﺭ ﺩﯾﺎ ﮨﮯ ، ﺍﻭﺭ ﻋﻼﻣﮧ ﻧﻮﻭﯼؒ ﺷﺎﺭﺡ ﺻﺤﯿﺢ ﻣﺴﻠﻢ
ﻟﮑﮭﺘﮯ ﮨﯿﮟ :
ﮐﻞ ﻭﺍﺣﺪ ﻣﻦ ﮬﻮﻻﺀ ﻟﻮ ﺍﻧﻔﺮﺩ ﻗﺪﻡ ﻋﻠﯽ ﺍﻟﺘﺮﻣﺬﯼ، ﻣﻊ ﺍﻥ ﺍﻟﺠﺮﺡ
ﻣﻘﺪﻡ ﻋﻠﯽ ﺍﻟﺘﻌﺪﯾﻞ، ﻭﺍﺗﻔﻖ ﺍﻟﺤﻔﺎﻅ ﻋﻠﯽ ﺗﻀﻌﯿﻔﮧ ، ﻭﻻ ﯾﻘﺒﻞ ﻗﻮﻝ
ﺍﻟﺘﺮﻣﺬﯼ ﺍﻧﮧ ﺣﺴﻦ ﺻﺤﯿﺢ ( ﻧﺼﺐ ﺍﻟﺮﺍﯾﮧ ﺑﺤﻮﺍﻟﮧ ﺑﺎﻻ )
ﺟﻦ ﺣﻀﺮﺍﺕ ﻧﮯ ﺍﺱ ﺣﺪﯾﺚ ﮐﻮ ﺿﻌﯿﻒ ﻗﺮﺍﺭ ﺩﯾﺎ ﮨﮯ ﺍﮔﺮ ﺍﻥ ﻣﯿﮟ
ﺳﮯ ﮨﺮ ﺍﯾﮏ ﺗﻨﮩﺎ ﮨﻮﺗﺎ ﺗﺐ ﺑﮭﯽ ﻭﮦ ﺍﻣﺎﻡ ﺗﺮﻣﺬﯼؒ ﭘﺮ ﻣﻘﺪﻡ ﮨﻮﺗﺎ، ﺍﺱ
ﮐﮯ ﻋﻼﻭﮦ ﯾﮧ ﻗﺎﻋﺪﮦ ﮨﮯ ﮐﮧ ﺟﺮﺡ ﺗﻌﺪﯾﻞ ﭘﺮ ﻣﻘﺪﻡ ﮨﻮﺗﯽ ﮨﮯ، ﺍﻭﺭ
ﺣﻔﺎﻅ ﺣﺪﯾﺚ ﺍﺳﮑﯽ ﺗﻀﻌﯿﻒ ﭘﺮ ﻣﺘﻔﻖ ﮨﯿﮟ، ﻟﮩﺬﺍ ﺍﻣﺎﻡ ﺗﺮﻣﺬﯼؒ ﮐﺎﯾﮧ
ﻗﻮﻝ ﮐﮧ، ﯾﮧ ’’ ﺣﺴﻦ ﺻﺤﯿﺢ ﮨﮯ‘‘ ﻗﺎﺑﻞ ﻗﺒﻮﻝ ﻧﮩﯿﮟ۔
ﺍﻭﻝ ﺗﻮ ﺍﮐﺜﺮ ﺣﻔﺎﻅ ﺣﺪﯾﺚ ﮐﮯ ﻧﺰﺩﯾﮏ ﯾﮧ ﺣﺪﯾﺚ ﺿﻌﯿﻒ ﺍﻭﺭ ﻧﺎﻗﺎﺑﻞ
ﺍﺳﺘﺪﻻﻝ ﮨﮯ۔ ﺩﻭﺳﺮﮮ ﺍﮔﺮ ﺍﻣﺎﻡ ﺗﺮﻣﺬﯼؒ ﮐﮯ ﻗﻮﻝ ﮐﮯ ﻣﻄﺎﺑﻖ ﺍﺳﮯ
ﺻﺤﯿﺢ ﻣﺎﻥ ﺑﮭﯽ ﻟﯿﺎ ﺟﺎﺋﮯ ﺗﻮ ﭘﻮﺭﮮ ﺫﺧﯿﺮﮦ ﺣﺪﯾﺚ ﻣﯿﮟ ﺗﻨﮩﺎ ﯾﮧ
ﺍﯾﮏ ﺭﻭﺍﯾﺖ ﮨﻮﮔﯽ ﺟﺲ ﻣﯿﮟ ﺁﻧﺤﻀﺮﺕ ﷺ ﮐﺎ ﺟﻮﺭﺑﯿﻦ ﭘﺮ ﻣﺴﺢ
ﮐﺮﻧﺎ ﻣﺬﮐﻮﺭ ﮨﮯ۔
ﺍﺏ ﺁﭖ ﻏﻮﺭ ﻓﺮﻣﺎﺋﯿﮯ ﮐﮧ ﻗﺮﺁﻥ ﮐﺮﯾﻢ ﻧﮯ ﭘﺎﺅﮞ ﺩﮬﻮﻧﮯ ﮐﺎ ﺟﻮ ﺻﺮﯾﺢ
ﺣﮑﻢ ﺩﯾﺎ ﮨﮯ ﺍﺳﮯ ﺻﺮﻑ ﺍﺱ ﺍﯾﮏ ﺭﻭﺍﯾﺖ ﮐﯽ ﺑﻨﺎ ﭘﺮ ﮐﯿﺴﮯ ﭼﮭﻮﮌ
ﺩﯾﺎ ﺟﺎﺋﮯ، ﺟﺐ ﮐﮧ ﺍﺋﻤﮧ ﺣﺪﯾﺚ ﻧﮯ ﺍﺱ ﭘﺮ ﺗﻨﻘﯿﺪ ﺑﮭﯽ ﮐﯽ ﮨﮯ ؟ ﺁﭖ
ﭘﯿﭽﮭﮯ ﺩﯾﮑﮫ ﭼﮑﮯ ﮨﯿﮟ ﮐﮧ ﻣﺴﺢ ﻋﻠﯽ ﺍﻟﺨﻔﯿﻦ ﮐﺎ ﺣﮑﻢ ﺍﺳﯽ ﻭﻗﺖ
ﺛﺎﺑﺖ ﮨﻮﺍ ﺟﺐ ﺍﺳﮑﯽ ﺍﺣﺎﺩﯾﺚ ﺗﻮﺍﺗﺮ ﮐﯽ ﺣﺪ ﺗﮏ ﭘﮩﻨﭻ ﮔﺌﯿﮟ، ﺍﻭﺭ
ﺍﻣﺎﻡ ﺍﺑﻮ ﯾﻮﺳﻒؒ ﻓﺮﻣﺎﺗﮯ ﮨﯿﮟ ﺍﮔﺮ ﻣﺴﺢ ﻋﻠﯽ ﺍﻟﺨﻔﯿﻦ ﮐﯽ ﺍﺣﺎﺩﯾﺚ
ﺍﺗﻨﯽ ﮐﺜﺮﺕ ﮐﮯ ﺳﺎﺗﮫ ﻧﮧ ﮨﻮﺗﯿﮟ ﺗﻮ ﭘﺎﺅﮞ ﺩﮬﻮﻧﮯ ﮐﮯ ﻗﺮﺁﻧﯽ ﺣﮑﻢ ﮐﻮ
ﭼﮭﻮﮌﻧﮯ ﮐﯽ ﮔﻨﺠﺎﺋﺶ ﻧﮧ ﺗﮭﯽ۔ ﻟﯿﮑﻦ ﻣﺴﺢ ﻋﻠﯽ ﺍﻟﺠﻮﺭﺑﯿﻦ ﮐﯽ
ﺍﺣﺎﺩﯾﺚ ﻣﺘﻮﺍﺗﺮ ﺗﻮ ﮐﯿﺎ ﮨﻮﺗﯿﮟ ، ﭘﻮﺭﮮ ﺫﺧﯿﺮﮦ ﺣﺪﯾﺚ ﻣﯿﮟ ﺍﺱ ﮐﯽ
ﺻﺮﻑ ﺗﯿﻦ ﺭﻭﺍﯾﺘﯿﮟ ﮨﯿﮟ ﺟﻦ ﻣﯿﮟ ﺳﮯ ﺩﻭ ﺑﺎﻻﺗﻔﺎﻕ ﺿﻌﯿﻒ ﮨﯿﮟ ﺍﻭﺭ
ﺍﯾﮏ ﮐﻮ ﺍﮐﺜﺮ ﻣﺤﺪﺛﯿﻦ ﻧﮯ ﺿﻌﯿﻒ ﮐﮩﺎ ﮨﮯ ، ﺻﺮﻑ ﺍﻣﺎﻡ ﺗﺮﻣﺬﯼؒ ﺍﺳﮯ
ﺻﺤﯿﺢ ﮐﮩﺘﮯ ﮨﯿﮟ۔ ﺍﯾﺴﯽ ﺭﻭﺍﯾﺖ ﮐﯽ ﺑﻨﺎﺀ ﭘﺮ ﻗﺮﺁﻥ ﮐﺮﯾﻢ ﮐﮯ ﮐﺴﯽ
ﺣﮑﻢ ﻣﯿﮟ ﺗﺨﺼﯿﺺ ﭘﯿﺪﺍ ﻧﮩﯿﮟ ﮐﯽ ﺟﺎﺳﮑﺘﯽ ، ﭼﻨﺎﻧﭽﮧ ﺍﻣﺎﻡ ﺍﺑﻮ
ﺑﮑﺮ ﺟﺼﺎﺹؒ ﺗﺤﺮﯾﺮ ﻓﺮﻣﺎﺗﮯ ﮨﯿﮟ۔
’’ﻭﺍﻷﺻﻞ ﻓﯿﮧ ﺍﻧﮧ ﻗﺪ ﺛﺒﺖ ﺃﻥ ﻣﺮﺍﺩ ﺍﻵﯾۃ ﺍﻟﻐﺴﻞ ﻋﻠﯽ ﻣﺎﻗﺪﻣﻨﺎ
، ﻓﻠﻮ ﻟﻢ ﺗﺮﺩ ﺍﻵﺛﺎﺭ ﺍﻟﻤﺘﻮﺍﺗﺮۃ ﻋﻠﯽ ﺍﻟﻨﺒﯽ ﷺ ﻓﯽ ﺍﻟﻤﺴﺢ ﻋﻠﯽ
ﺍﻟﺨﻔﯿﻦ ﻟﻤﺎ ﺃﺟﺰﻧﺎ ﺍﻟﻤﺴﺢ ۔۔ﻭﻟﻤﺎ ﻟﻢ ﺗﺮﺩ ﺍﻷ ﺛﺎﺭ ﻓﯽ ﺟﻮﺍﺯ ﺍﻟﻤﺴﺢ
ﻋﻠﯽ ﺍﻟﺠﻮﺭﺑﯿﻦ ﻓﯽ ﻭﺯﻥ ﻭﺭﻭﺩﮬﺎ ﻓﯽ ﺍﻟﻤﺴﺢ ﻋﻠﯽ ﺍﻟﺨﻔﯿﻦ ﺍﺑﻘﯿﻨﺎ
ﺣﮑﻢ ﺍﻟﻐﺴﻞ ﻋﻠﯽ ﻣﺮﺍﺩ ﺍﻵﯾۃ‘‘ (ﺃﺣﮑﺎﻡ ﺍﻟﻘﺮﺁﻥ ﻟﻠﺠﺼﺎﺹ ﺝ۲ﺹ
۴۲۸ )
ﻣﺴﺌﻠﮯ ﮐﯽ ﺣﻘﯿﻘﺖ ﯾﮧ ﮨﮯ ﮐﮧ ﺁﯾﺖ ﮐﯽ ﺍﺻﻠﯽ ﻣﺮﺍﺩ ﭘﺎﺅﮞ ﺩﮬﻮﻧﺎ ﮨﮯ
ﺟﯿﺴﮯ ﮐﮧ ﭘﯿﭽﮭﮯ ﮔﺰﺭ ﭼﮑﺎ، ﻟﮩﺬﺍ ﺍﮔﺮ ﺁﻧﺤﻀﺮﺕ ﷺ ﺳﮯ ﻣﺴﺢ ﻋﻠﯽ
ﺍﻟﺨﻔﯿﻦ ﮐﯽ ﻣﺘﻮﺍﺗﺮ ﺍﺣﺎﺩﯾﺚ ﺛﺎﺑﺖ ﻧﮧ ﮨﻮﺗﯿﮟ ﺗﻮ ﮨﻢ ﮐﺒﮭﯽ ﻣﺴﺢ
ﻋﻠﯽ ﺍﻟﺨﻔﯿﻦ ﮐﻮ ﺟﺎﺋﺰ ﻗﺮﺍﺭ ﻧﮧ ﺩﯾﺘﮯ۔۔۔۔ ﺍﻭﺭ ﭼﻮﻧﮑﮧ ﺟﻮﺭﺑﯿﻦ ( ﮐﭙﮍﮮ
ﮐﮯ ﻣﻮﺯﻭﮞ )ﭘﺮ ﻣﺴﺢ ﮐﯽ ﺍﺣﺎﺩﯾﺚ ﺍﺱ ﻭﺯﻧﯽ ﻃﺮﯾﻘﮯ ﺳﮯ ﻣﺮﻭﯼ
ﻧﮩﯿﮟ ﮨﯿﮟ ﺟﺲ ﻭﺯﻧﯽ ﻃﺮﯾﻘﮯ ﺳﮯ ﻣﺴﺢ ﻋﻠﯽ ﺍﻟﺨﻔﯿﻦ ﮐﯽ ﺍﺣﺎﺩﯾﺚ
ﻣﺮﻭﯼ ﮨﯿﮟ۔ ﺍﺱ ﻟﺌﮯ ﮨﻢ ﻧﮯ ﻭﮨﺎﮞ ﺁﯾﺖ ﻗﺮﺁﻧﯽ ﮐﯽ ﺍﺻﻞ ﻣﺮﺍﺩ ﯾﻌﻨﯽ
ﭘﺎﺅﮞ ﺩﮬﻮﻧﮯ ﮐﮯ ﺣﮑﻢ ﮐﻮ ﺑﺮﻗﺮﺍﺭ ﺭﮐﮭﺎ ﮨﮯ ﺍﺏ ﺳﻮﺍﻝ ﯾﮧ ﺭﮦ ﺟﺎﺗﺎ ﮨﮯ
ﮐﮧ ﺟﻦ ﺣﻀﺮﺍﺕ ﺻﺤﺎﺑﮧ ﮐﺮﺍﻡؓ ﺳﮯ ﻣﻨﻘﻮﻝ ﮨﮯ ﮐﮧ ﺍﻧﮩﻮﮞ ﻧﮯ ﺟﻮﺭﺑﯿﻦ
ﭘﺮ ﻣﺴﺢ ﮐﯿﺎ ﯾﺎ ﺍﺳﮑﯽ ﺍﺟﺎﺯﺕ ﺩﯼ ﺗﻮ ﺍﻥ ﮐﮯ ﺍﺱ ﻋﻤﻞ ﮐﯽ ﮐﯿﺎ
ﻭﺟﮧ ﺗﮭﯽ ؟ ﺍﺳﮑﺎ ﺟﻮﺍﺏ ﯾﮧ ﮨﮯ ﮐﮧ ﺻﺤﺎﺑﮧ ﮐﺮﺍﻡؓ ﮐﮯ ﺍﻥ ﺁﺛﺎﺭ ﻣﯿﮟ
ﮐﮩﯿﮟ ﺑﮭﯽ ﯾﮧ ﺻﺮﺍﺣﺖ ﻧﮩﯿﮟ ﮨﮯ ﮐﮧ ﺟﻮﺭﺑﯿﻦ ﮐﭙﮍﮮ ﮐﮯ ﺑﺎﺭﯾﮏ
ﻣﻮﺯﮮ ﺗﮭﮯ، ﺍﻭﺭ ﺟﺐ ﺗﮏ ﯾﮧ ﺻﺮﺍﺣﺖ ﻧﮧ ﮨﻮ ﺍﺱ ﻭﻗﺖ ﺗﮏ ﺍﻥ ﺁﺛﺎﺭ
ﺳﮯ ﺑﺎﺭﯾﮏ ﻣﻮﺯﻭﮞ ﭘﺮ ﻣﺴﺢ ﮐﺎ ﺟﻮﺍﺯ ﮐﯿﺴﮯ ﺛﺎﺑﺖ ﮨﻮ ﺳﮑﺘﺎ ﮨﮯ؟
ﭼﻨﺎﻧﭽﮧ ﻣﺸﮩﻮﺭ ﺍﮨﻞ ﺣﺪﯾﺚ ﻋﺎﻟﻢ ﻋﻼﻣﮧ ﺷﻤﺲ ﺍﻟﺤﻖ ﺻﺎﺣﺐ ﻋﻈﯿﻢ
ﺁﺑﺎﺩﯼ ﻟﮑﮭﺘﮯ ﮨﯿﮟ۔
ﺍﻥ ﺍﻟﺠﻮﺭﺏ ﯾﺘﺨﺬ ﻣﻦ ﺍﻻﺩﯾﻢ ﻭ ﮐﺬﺍ ﻣﻦ ﺍﻟﺼﻮﻑ ﻭ ﮐﺬﺍ ﻣﻦ ﺍﻟﻘﻄﻦ
ﻭﯾﻘﺎﻝ ﻟﮑﻞ ﻣﻦ ﮬﺬﮦ ﺍﻧﮧ ﺟﻮﺭﺏ، ﻭﻣﻦ ﺍﻟﻤﻌﻠﻮﻡ ﺍﻥ ﮬﺬﮦ ﺍﻟﺮﺧﺼﮧ
ﺑﮭﺬﺍ ﺍﻟﻌﻤﻮﻡ ﻻ ﺗﺜﺒﺖ ﺍﻻ ﺑﻌﺪ ﺍﻥ ﯾﺜﺒﺖ ﺍﻥ ﺍﻟﺠﻮﺭﺑﯿﻦ ﺍﻟﺬﯾﻦ ﻣﺴﺢ
ﻋﻠﯿﮭﻤﺎ ﺍﻟﻨﺒﯽ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﺎﻧﺎ ﻣﻦ ﺍﻟﺼﻮﻑ ﺍﻟﺦ ( ﻋﻮﻥ
ﺍﻟﻤﻌﺒﻮﺩ ﺹ۶۲ﺝ ۱
ﯾﻌﻨﯽ ﺟﻮﺭﺑﯿﻦ ﮐﮭﺎﻝ ﮐﮯ ﺑﮭﯽ ﮨﻮﺗﮯ ﮨﯿﮟ ، ﺍﻭﻥ ﮐﮯ ﺑﮭﯽ ﺍﻭﺭ
ﺭﻭﺋﯽ ﮐﮯ ﺑﮭﯽ ، ﺍﻭﺭ ﮨﺮ ﺍﯾﮏ ﮐﻮ ﺟﻮﺭﺏ ﮐﮩﺎ ﺟﺎﺗﺎ ﮨﮯ، ﺍﻭﺭ ﮨﺮ ﻗﺴﻢ
ﮐﮯ ﻣﻮﺯﮮ ﭘﺮ ﻣﺴﺢ ﮐﯽ ﺍﺟﺎﺯﺕ ﺍﺱ ﻭﻗﺖ ﺗﮏ ﺛﺎﺑﺖ ﻧﮩﯿﮟ ﮨﻮﺳﮑﺘﯽ
ﺟﺐ ﺗﮏ ﯾﮧ ﺛﺎﺑﺖ ﻧﮧ ﮨﻮ ﮐﮧ ﺁﭖ ﷺ ﻧﮯ ﺍﻭﻥ ﮐﮯ ﺟﻮﺭﺑﯿﻦ ﭘﺮ ﻣﺴﺢ
ﻓﺮﻣﺎﯾﺎ ‘‘ ﺑﻠﮑﮧ ﺍﺱ ﺳﮯ ﺑﮭﯽ ﺯﯾﺎﺩﮦ ﯾﮧ ﺛﺎﺑﺖ ﮨﮯ ﮐﮧ ﺍﻥ ﺣﻀﺮﺍﺕ
ﻧﮯ ﺟﻦ ﺟﻮﺭﺑﯿﻦ ﭘﺮ ﻣﺴﺢ ﻓﺮﻣﺎﯾﺎ ﻭﮦ ﯾﺎ ﺗﻮ ﭼﻤﮍﮮ ﮐﮯ ﺗﮭﮯ ﯾﺎ ﭘﻨﯽ
ﻣﻮﭨﺎﺋﯽ ﮐﯽ ﻭﺟﮧ ﺳﮯ ﭼﻤﮍﮮ ﮐﮯ ﻣﻮﺯﻭﮞ ﮐﯽ ﻃﺮﺡ ﺗﮭﮯ، ﺍﻭﺭ ﺍﻥ
ﻣﯿﮟ ﭼﻤﮍﮮ ﮐﮯ ﻣﻮﺯﻭﮞ ﮐﯽ ﺻﻔﺎﺕ ﭘﺎﺋﯽ ﺟﺎﺗﯽ ﺗﮭﯿﮟ۔ ﭼﻨﺎﻧﭽﮧ
ﻣﺼﻨﻒ ﺍﺑﻦ ﺍﺑﯽ ﺷﯿﺒﮧ ﻣﯿﮟ ﺭﻭﺍﯾﺖ ﮨﮯ:
ﺣﺪﺛﻨﺎ ﮬﺸﯿﻢ ﻗﺎﻝ ﺍﺧﺒﺮﻧﺎ ﯾﻮﻧﺲ ﻋﻦ ﺍﻟﺤﺴﻦ ﻭﺷﻌﺒﮧ ﻋﻦ ﻗﺘﺎﺩۃ ﻋﻦ
ﺳﻌﯿﺪ ﺑﻦ ﺍﻟﻤﺴﯿﺐ ﻭﺍﻟﺤﺴﻦ ﺍﻧﮭﻤﺎ ﻗﺎﻻ : ﯾﻤﺴﺢ ﻋﻠﯽ ﺍﻟﺠﻮﺭﺑﯿﻦ ﺍﺫﺍ
ﮐﺎﻧﺎ ﺻﻔﯿﻘﯿﻦ ( ﻣﺼﻨﻒ ﺍﺑﻦ ﺍﺑﯽ ﺷﯿﺒﮧ ﺹ۱۸۸ ﺝ ۱ )
ﺣﻀﺮﺕ ﺳﻌﯿﺪ ﺑﻦ ﺍﻟﻤﺴﯿﺐؒ ﺍﻭﺭ ﺣﻀﺮﺕ ﺣﺴﻦ ﺑﺼﺮﯼؒ ﻓﺮﻣﺎﺗﮯ ﮨﯿﮞﮑﮧ
ﺟﺮﺍﺑﻮﮞ ﭘﺮ ﻣﺴﺢ ﺟﺎﺋﺰ ﮨﮯ، ﺑﺸﺮﻃﯿﮑﮧ ﻭﮦ ﺧﻮﺏ ﻣﻮﭨﯽ ﮨﻮﮞ ، ﻭﺍﺿﺢ
ﺭﮨﮯ ﮐﮧ ﺛﻮﺏ ﺻﻔﯿﻖ ﺍﺱ ﮐﭙﮍﮮ ﮐﻮ ﮐﮩﺘﮯ ﮨﯿﮞﺠﻮ ﺧﻮﺏ ﻣﻀﺒﻮﻁ ﺍﻭﺭ
ﺩﺑﯿﺰ ﮨﻮ ﻣﻼﺣﻈﮧ ﮨﻮ ﻗﺎﻣﻮﺱ ﺍﻭﺭ ﻣﺨﺘﺎﺭ ﺍﻟﺼﺤﺎﺡ ﻭﻏﯿﺮﮦ
ﺣﻀﺮﺕ ﺣﺴﻦ ﺑﺼﺮﯼؒ ﺍﻭﺭ ﺣﻀﺮﺕ ﺳﻌﯿﺪ ﺑﻦ ﺍﻟﻤﺴﯿﺐؒ ﺩﻭﻧﻮﮞ ﺟﻠﯿﻞ
ﺍﻟﻘﺪﺭ ﺗﺎﺑﻌﯿﻦ ﻣﯿﮟ ﺳﮯ ﮨﯿﮞﺎﻭﺭ ﺍﻧﮩﻮﮞ ﻧﮯ ﺻﺤﺎﺑﮧ ﮐﺮﺍﻡؓ ﮐﺎ ﻋﻤﻞ ﺩﯾﮑﮫ
ﮐﺮ ﮨﯽ ﯾﮧ ﻓﺘﻮﯼٰ ﺩﯾﺎ ﮨﮯ۔
ﻟﮩﺬﺍ ﺍﻥ ﺣﻀﺮﺍﺕ ﮐﮯ ﻋﻤﻞ ﺍﻭﺭ ﻓﺘﻮﯼٰ ﺳﮯ ﺟﻮ ﺑﺎﺕ ﺛﺎﺑﺖ ﮨﻮﺋﯽ ﻭﮦ
ﺍﺱ ﺳﮯ ﺯﺍﺋﺪ ﻧﮩﯿﮟ ﮐﮧ ﺟﻮ ﻣﻮﺯﮮ ﺑﮩﺖ ﻣﻮﭨﮯ ﮨﻮﻧﮯ ﮐﯽ ﺑﻨﺎ ﭘﺮ
ﭼﻤﮍﮮ ﮐﮯ ﺍﻭﺻﺎﻑ ﮐﮯ ﺣﺎﻣﻞ ﮨﻮﮞ، ﺍﻥ ﭘﺮ ﻣﺴﺢ ﺟﺎﺋﺰ ﮨﮯ، ﺍﻭﺭ ﺍﺱ
ﻣﻮﭨﺎﺋﯽ ﮐﯽ ﻭﺿﺎﺣﺖ ﮐﮯ ﻟﺌﮯ ﻣﯿﮟ ﻧﮯ ﻭﮦ ﺗﯿﻦ ﺷﺮﺍﺋﻂ ﺫﮐﺮ ﮐﯽ
ﮨﯿﮞﮑﮧ ﺍﯾﮏ ﺗﻮ ﺍﻥ ﻣﯿﮟ ﭘﺎﻧﯽ ﻧﮧ ﭼﮭﻨﮯ ﺩﻭﺳﺮﮮ ﻭﮦ ﮐﺴﯽ ﭼﯿﺰ ﺳﮯ
ﺑﺎﻧﺪﮬﮯ ﺑﻐﯿﺮ ﺍﭘﻨﯽ ﻣﻮﭨﺎﺋﯽ ﮐﯽ ﻭﺟﮧ ﺳﮯ ﺧﻮﺩ ﮐﮭﮍﮮ ﺭﮨﯿﮟ، ﺍﻭﺭ
ﺗﯿﺴﺮﮮ ﯾﮧ ﮐﮧ ﺍﻥ ﮐﻮ ﭘﮩﻦ ﮐﺮ ﻣﯿﻞ ﺩﻭ ﻣﯿﻞ ﭼﻠﻨﺎ ﻣﻤﮑﻦ ﮨﻮ، ﺍﯾﺴﮯ
ﻣﻮﺯﮮ ﭼﻮﻧﮑﮧ ﭼﻤﮍﮮ ﮐﮯ ﺍﻭﺻﺎﻑ ﮐﮯ ﺣﺎﻣﻞ ﮨﻮﺗﮯ ﮨﯿﮟ، ﺍﺱ ﻟﺌﮯ ﺍﻥ
ﮐﻮ ﺑﮭﯽ ﺍﮐﺜﺮ ﻓﻘﮩﺎﺀ ﻧﮯ ’ ﻣﺴﺢ ﻋﻠﯽ ﺍﻟﺨﻔﯿﻦ ‘ ﮐﯽ ﺍﺣﺎﺩﯾﺚ ﮐﯽ
ﺩﻻﻟﺖ ﺍﻟﻨﺺ ﺍﻭﺭ ﻣﺬﮐﻮﺭﮦ ﺁﺛﺎﺭ ﺻﺤﺎﺑﮧؓ ﮐﯽ ﺑﻨﺎﺀ ﭘﺮ ﺧﻔﯿﻦ ﮐﮯ ﺣﮑﻢ
ﻣﯿﮟ ﺩﺍﺧﻞ ﮐﺮ ﻟﯿﺎ، ﭼﻨﺎﻧﭽﮧ ﻋﻼﻣﮧ ﺍﺑﻦ ﺍﻟﮩﻤﺎﻡ ﺗﺤﺮﯾﺮ ﻓﺮﻣﺎﺗﮯ ﮨﯿﮟ:
ﻻﺷﮏ ﺍﻥ ﺍﻟﻤﺴﺢ ﻋﻠﯽ ﺍﻟﺨﻒ ﻋﻠﯽ ﺧﻼﻑ ﺍﻟﻘﯿﺎﺱ، ﻓﻼ ﯾﺼﻠﺢ
ﺍﻟﺤﺎﻕ ﻏﯿﺮﮦ ﺑﮧ، ﺍﻻ ﺍﺫﺍ ﮐﺎﻥ ﺑﻄﺮﯾﻖ ﺍﻟﺪﻻﻟۃ،ﻭﮬﻮ ﺍﻥ ﯾﮑﻮﻥ ﻓﯽ
ﻣﻌﻨﺎﮦ ، ﻭﻣﻌﻨﺎﮦ ﺍﻟﺴﺎﺗﺮ ﻟﻤﺤﻞ ﺍﻟﻔﺮﺽ ﺍﻟﺬﯼ ﮬﻮ ﺑﻌﺪﺩ ﻣﺘﺎﺑﻌۃ ﺍﻟﻤﺸﯽ
ﻓﯿﮧ ﻓﯽ ﺍﻟﺴﻔﺮ ﻭﻏﯿﺮﮦ۔ ( ﻓﺘﺢ ﺍﻟﻘﺪﯾﺮ ﺹ۱۰۹ﺝ۱ )
ﺍﺱ ﻣﯿﮟ ﮐﻮﺋﯽ ﺷﮏ ﻧﮩﯿﮟ ﮐﮧ ﻣﺴﺢ ﻋﻠﯽ ﺍﻟﺨﻔﯿﻦ ﮐﯽ ﻣﺸﺮﻭﻋﯿﺖ
ﺧﻼﻑ ﻗﯿﺎﺱ ﮨﻮﺋﯽ ﮨﮯ ﻟﮩﺬﺍ ﮐﺴﯽ ﺩﻭﺳﺮﯼ ﭼﯿﺰ ﮐﻮ ﺍﻥ ﭘﺮ ﻗﯿﺎﺱ
ﻧﮩﯿﮟ ﮐﯿﺎ ﺟﺎﺳﮑﺘﺎ ، ﺍﻻ ﯾﮧ ﮐﮧ ﻭﮦ ﺩﻻﻟۃ ﺍﻟﻨﺺ ﮐﮯ ﻃﺮﯾﻘﮯ ﭘﺮ ﺧﻔﯿﻦ
ﮐﮯ ﻣﻌﻨﯽ ﻣﯿﮟ ﺩﺍﺧﻞ ﮨﻮ، ﺍﻭﺭ ﺧﻔﯿﻦ ﮐﮯ ﻣﻌﻨﯽ ﺍﯾﮏ ﺍﯾﺴﮯ ﻣﻮﺯﮮ ﮐﮯ
ﮨﯿﮟ ﺟﻨﮩﻮﮞ ﻧﮯ ﭘﺎﺅﮞ ﮐﻮ ﺑﺎﻟﮑﻞ ﮈﮬﺎﻧﭗ ﺭﮐﮭﺎ ﮨﻮ ﺍﻭﺭ ﺍﻥ ﻣﯿﮟ ﺳﻔﺮ
ﻭﻏﯿﺮﮦ ﮐﮯ ﺩﻭﺭﺍﻥ ﻣﺴﻠﺴﻞ ﭼﻠﻨﺎ ﻣﻤﮑﻦ ﮨﻮ
ﻟﮩﺬﺍ ﻓﻘﮩﺎﺀ ﻧﮯ ﺟﻮﺭﺑﯿﻦ ﭘﺮ ﻣﺴﺢ ﮐﺮﻧﮯ ﮐﯽ ﺟﻮ ﺷﺮﺍﺋﻂ ﻣﻘﺮﺭ ﮐﯽ
ﮨﯿﮟ، ﺍﻥ ﮐﯽ ﯾﮧ ﺗﻌﺒﯿﺮ ﺑﺎﻟﮑﻞ ﻏﻠﻂ ﺍﻭﺭ ﺧﻼﻑ ﻭﺍﻗﻌﮧ ﮨﮯ ﮐﮧ ﺣﺪﯾﺚ
ﻣﯿﮟ ﻣﺴﺢ ﻋﻠﯽ ﺍﻟﺠﻮﺭﺑﯿﻦ ﮐﯽ ﺍﺟﺎﺯﺕ ﻣﻄﻠﻖ ﺗﮭﯽ، ﺍﻭﺭ ﺍﻧﮩﻮﮞ ﻧﮯ
ﺍﭘﻨﯽ ﻃﺮﻑ ﺳﮯ ﺷﺮﺍﺋﻂ ﻋﺎﺋﺪ ﮐﺮ ﮐﮯ ﺍﺳﮯ ﻣﻘﯿﺪ ﮐﺮ ﺩﯾﺎ ﺑﻠﮑﮧ ﻭﺍﻗﻌﮧ
ﯾﮧ ﮨﮯ ﮐﮧ ﺍﺻﻮﻟﯽ ﺍﻋﺘﺒﺎﺭ ﺳﮯ ﭘﺎﺅﮞ ﺩﮬﻮﻧﮯ ﮐﮯ ﻓﺮﯾﻀﮯ ﮐﻮ ﭼﮭﻮﮌﮐﺮ
ﻣﺴﺢ ﮐﺮﻧﮯ ﮐﺎ ﺣﮑﻢ ﺍﺱ ﻭﻗﺖ ﺗﮏ ﺛﺎﺑﺖ ﻧﮩﯿﮟ ﮨﻮ ﺳﮑﺘﺎﺟﺐ ﺗﮏ ﺍﺱ
ﭘﺮ ﺍﺣﺎﺩﯾﺚ ﻣﺘﻮﺍﺗﺮﮦ ﻣﻮﺟﻮﺩ ﻧﮧ ﮨﻮﮞ، ﺧﻔﯿﻦ ﭘﺮ ﭼﻮﻧﮑﮧ ﺍﯾﺴﯽ
ﺍﺣﺎﺩﯾﺚ ﻣﻮﺟﻮﺩ ﺗﮭﯿﮟ، ﺍﺱ ﻟﺌﮯ ﻭﮨﺎﮞ ﻣﺴﺢ ﮐﯽ ﺍﺟﺎﺯﺕ ﺩﯾﺪﯼ ﮔﺌﯽ
، ﻟﯿﮑﻦ ﺟﻮﺭﺑﯿﻦ ﭘﺮ ﻣﺴﺢ ﮐﺴﯽ ﺍﯾﺴﯽ ﺣﺪﯾﺚ ﺳﮯ ﺑﮭﯽ ﺛﺎﺑﺖ ﻧﮩﯿﮟ
ﺟﻮ ﻣﺘﻔﻖ ﻋﻠﯿﮧ ﻃﻮﺭ ﭘﺮ ﺻﺤﯿﺢ ﮨﻮ ، ﻟﮩﺬﺍ ﺍﻥ ﭘﺮ ﻣﺴﺢ ﮐﯽ ﺍﺟﺎﺯﺕ
ﻧﮩﯿﮟ ﺩﯼ ﺟﺎﺳﮑﺘﯽ ﺗﮭﯽ،ﺍﻻ ﯾﮧ ﮐﮧ ﻭﮦ ﺟﻮﺭﺑﯿﻦ ﺧﻔﯿﻦ ﮐﯽ ﺻﻔﺎﺕ
ﮐﮯ ﺣﺎﻣﻞ ﮨﻮ ﮐﺮ ﺧﻔﯿﻦ ﮐﮯ ﺣﮑﻢ ﻣﯿﮟ ﺑﺪﻻﻟۃ ﺍﻟﻨﺺ ﺩﺍﺧﻞ ﮨﻮ ﺟﺎﺋﯿﮟ،
ﺍﻭﺭ ﭼﻮﻧﮑﮧ ﺻﺤﺎﺑﮧؓ ﻭ ﺗﺎﺑﻌﯿﻦ ﺳﮯ ﺍﯾﺴﮯ ﻣﻮﺯﻭﮞ ﭘﺮ ﻣﺴﺢ ﺛﺎﺑﺖ ﺗﮭﺎ،
ﺍﺱ ﻟﺌﮯ ﺑﯿﺸﺘﺮ ﻓﻘﮩﺎﺀ ﻧﮯ ﺍﺳﮑﯽ ﺍﺟﺎﺯﺕ ﺩﯼ، ﺍﻭﺭ ﺧﻔﯿﻦ ﮐﯽ ﺑﻨﯿﺎﺩﯼ
ﺻﻔﺎﺕ ﮐﻮ ﻣﺬﮐﻮﺭﮦ ﺗﯿﻦ ﺷﺮﺍﺋﻂ ﮐﮯ ﺫﺭﯾﻌﮧ ﺑﯿﺎﻥ ﮐﺮﺩﯾﺎ۔ﺍﻭﺭ ﺍﺳﭙﺮ ﺗﻤﺎﻡ
ﺍﺋﻤﮧ ﻣﺠﺘﮩﺪﯾﻦ ﮐﺎ ﺍﺟﻤﺎﻉ ﻣﻨﻌﻘﺪ ﮨﻮﮔﯿﺎ۔
ﺟﮩﺎﮞ ﺗﮏ ﻋﻼﻣﮧ ﺍﺑﻦ ﺣﺰﻡؒ ﯾﺎ ﻋﻼﻣﮧ ﺍﺑﻦ ﺗﯿﻤﯿﮧؒ ﺍﻭﺭ ﻋﻼﻣﮧ ﺍﺑﻦ ﻗﯿﻢؒ
ﮐﺎ ﺗﻌﻠﻖ ﮨﮯ، ﺍﻥ ﮐﺎ ﻣﻘﺎﻡ ﺑﻠﻨﺪ ﺍﭘﻨﯽ ﺟﮕﮧ ﮨﮯ ﻟﯿﮑﻦ ﺍﻧﮩﻮﮞ ﻧﮯ ﺑﮩﺖ
ﺳﮯ ﻣﺴﺎﺋﻞ ﻣﯿﮟ ﺟﻤﮩﻮﺭ ﺍﻣﺖ ﺳﮯ ﺍﻟﮓ ﺭﺍﺋﮯ ﺍﺧﺘﯿﺎ ﺭ ﮐﯽ ﮨﮯ ﺟﺴﮯ
ﺍﻣﺖ ﻧﮯ ﺑﺤﯿﺜﯿﺖ ﻣﺠﻤﻮﻋﯽ ﻗﺒﻮﻝ ﻧﮩﯿﮟ ﮐﯿﺎ ، ﺑﺎﻟﺨﺼﻮﺹ ﺍﺱ
ﻣﺴﺌﻠﮯ ﻣﯿﮟ ﺗﻮ ﺍﻧﮩﻮﮞ ﻧﮯ ﺍﭘﻨﮯ ﻣﺴﻠﮏ ﭘﺮ ﮐﻮﺋﯽ ﺩﻟﯿﻞ ﺑﮭﯽ ﻧﮩﯿﮟ ﺩﯼ۔
ﻟﮩﺬﺍ ﭘﻮﺭﯼ ﺍﻣﺖ ﮐﮯ ﻓﻘﮩﺎﺀ ، ﻣﺤﺪﺛﯿﻦ ﺍﻭﺭﻣﺠﺘﮩﺪﯾﻦ ﮐﮯ ﻣﻘﺎﺑﻠﮯ ﻣﯿﮟ
ﺻﺮﻑ ﺍﻥ ﺗﯿﻦ ﺣﻀﺮﺍﺕ ﮐﯽ ﺭﺍﺋﮯ ﭘﺮ ﻋﻤﻞ ﭘﺎﺅﮞ ﺩﮬﻮﻧﮯ ﮐﮯ ﻗﺮﺁﻧﯽ
ﺣﮑﻢ ﮐﻮ ﺗﺮﮎ ﮐﺮ ﺩﯾﻨﺎ ﺍﯾﮏ ﺳﻨﮕﯿﻦ ﺟﺴﺎﺭﺕ ﮨﮯ ﺍﻭﺭ ﺍﺱ
’ ﺍﺟﺘﮩﺎﺩ ‘ ﮐﺎ ﺗﻮ ﮐﻮﺋﯽ ﺟﻮﺍﺏ ﮨﯽ ﻧﮩﯿﮟ ﮨﮯ ﮐﮧ ﺍﮔﺮ ’’ﭘﺎﺅﮞ ﭘﺮ
ﮐﭙﮍﺍ ﻟﭙﯿﭧ ﮐﺮ ﺑﮭﯽ ﻣﺴﺢ ﮐﺮ ﻟﯿﺎ ﺟﺎﺋﮯ ﺗﻮ ﺍﺱ ﭘﺮ ﺑﮭﯽ ﻣﺴﺢ ﺟﺎﺋﺰ
ﮨﮯ ‘‘ ﺳﺎﺭﯼ ﺍﻣﺖ ﮐﮯ ﺗﻤﺎﻡ ﻓﻘﮩﺎﺀ ، ﺗﻤﺎﻡ ﻣﺤﺪﺛﯿﻦ ﺍﻭﺭ ﺗﻤﺎﻡ
ﻣﺠﺘﮩﺪﯾﻦ ﮐﮯ ﺑﺎﺭﮮ ﻣﯿﮟ ﺗﻮ ﯾﮧ ﺍﻟﺰﺍﻡ ﮨﮯ ﮐﮧ ﺍﻥ ﮐﮯ ﺍﺱ ﻗﻮﻝ ﮐﺎ
ﮐﻮﺋﯽ ﻣﺎﺧﺬ ﻧﮩﯿﮟ، ﺣﺎﻻﻧﮑﮧ ﺍﻥ ﮐﮯ ﻧﺎﻗﺎﺑﻞ ﺍﻧﮑﺎﺭ ﺩﻻﺋﻞ ﺁﭖ ﭘﯿﭽﮭﮯ
ﺩﯾﮑﮫ ﭼﮑﮯ ﮨﯿﮟ ﺍﻭﺭ ﺩﻭﺳﺮﯼ ﻃﺮﻑ ﺍﭘﻨﺎ ﺧﻮﺩ ’ ﺍﺟﺘﮩﺎﺩ‘ ﯾﮧ ﮨﮯ
ﮐﮧ ﺑﻼﻭﺟﮧ ﭘﺎﺅﮞ ﭘﺮ ﮐﭙﮍﺍ ﻟﭙﯿﭧ ﮐﺮ ﺍﺳﭙﺮ ﺑﮭﯽ ﻣﺴﺢ ﮐﯿﺎ ﺟﺎ ﺳﮑﺘﺎ
ﮨﮯ ۔ ﮐﯿﺎ ﺍﺱ ﻻﯾﻌﻨﯽ ﺣﺮﮐﺖ ﮐﯽ ﺧﺎﻃﺮ ﭘﺎﺅﮞ ﺩﮬﻮﻧﮯ ﮐﮯ ﻗﺮﺁﻧﯽ
ﺣﮑﻢ ﮐﻮ ﺗﺮﮎ ﮐﺮﻧﮯ ﮐﺎ ﺑﮭﯽ ﮐﻮﺋﯽ ﻣﺎﺧﺬ ﮨﮯ؟
ﺟﻮﺭﺑﯿﻦ ﺍﮔﺮ ﻣﻮﭨﮯ ﮨﻮﮞ ﺗﻮ ﺍﻥ ﭘﺮ ﻣﺴﺢ ﮐﺮﻧﮯ ﮐﮯ ﺗﻮﺑﻌﺾ ﻓﻘﮩﺎﺀ
ﻗﺎﺋﻞ ﺑﮭﯽ ﮨﯿﮟ، ﻟﯿﮑﻦ ﺟﻮﺗﻮﮞ ﭘﺮ ﻣﺴﺢ ﮐﺮﻧﺎ ﺗﻮ ﮐﺴﯽ ﺑﮭﯽ ﺍﻣﺎﻡ ﮐﮯ
ﻣﺬﮨﺐ ﻣﯿﮟ ﺟﺎﺋﺰ ﻧﮩﯿﮟ۔
’’ ﻟﻢ ﯾﺬﮬﺐ ﺍﺣﺪ ﻣﻦ ﺍﻻﺋﻤۃ ﺍﻟﯽ ﺟﻮﺍﺯ ﺍﻟﻤﺴﺢ ﻋﻠﯽ
ﺍﻟﻨﻌﻠﯿﻦ‘‘ (ﻣﻌﺎﺭﻑ ﺍﻟﺴﻨﻦ ﺹ۳۴۷ﺝ ۱ )
ﺍﺋﻤﮧ ﻣﯿﮟ ﺳﮯ ﮐﻮﺋﯽ ﺑﮭﯽ ﺟﻮﺗﻮﮞ ﭘﺮ ﻣﺴﺢ ﮐﺮﻧﮯ ﮐﺎ ﻗﺎﺋﻞ ﻧﮩﯿﮟ۔
ﺍﺱ ﮐﯽ ﻭﺟﮧ ﯾﮧ ﮨﮯ ﮐﮧ ﺁﻧﺤﻀﺮﺕ ﷺ ﺳﮯ ﺟﻮﺗﻮﮞ ﭘﺮ ﻣﺴﺢ ﮐﺮﻧﺎﺍﺱ
ﻭﻗﺖ ﺛﺎﺑﺖ ﮨﮯ ﺟﺐ ﮐﮧ ﺁﭖﷺ ﭘﮩﻠﮯ ﮨﯽ ﺳﮯ ﺑﺎﻭﺿﻮ ﮨﻮﺗﮯ ﺗﮭﮯ ،
ﻟﯿﮑﻦ ﻧﺌﯽ ﻧﻤﺎﺯ ﮐﮯ ﻟﺌﮯ ﺗﺎﺯﮦ ﻭﺿﻮ ﻓﺮﻣﺎﺗﮯ ﺗﮭﮯ، ﺍﯾﺴﯽ ﺣﺎﻟﺖ ﻣﯿﮟ
ﭼﻮﻧﮑﮧ ﻭﺿﻮ ﭘﮩﻠﮯ ﺳﮯ ﮨﻮﺗﺎ ﺗﮭﺎ، ﺍﺱ ﻟﺌﮯ ﺁﭖ ﷺ ﭘﺎﺅﮞ ﺩﮬﻮﻧﮯ ﮐﮯ
ﺑﺠﺎﺋﮯ ﺍﭘﻨﮯ ﺟﻮﺗﻮﮞ ﭘﺮ ﮨﺎﺗﮫ ﭘﮭﯿﺮ ﻟﯿﺘﮯ ﺗﮭﮯ، ﭼﻨﺎﻧﭽﮧ ﺻﺤﯿﺢ ﺍﺑﻦ
ﺣﺰﯾﻤﮧؒ ﻣﯿﮟ ﺭﻭﺍﯾﺖ ﮨﮯ :
ﻋﻦ ﻋﻠﯽ ﺍﻧﮧ ﺩﻋﺎ ﺑﮑﻮﺯ ﻣﻦ ﻣﺎﺀ ﺛﻢ ﺗﻮﺿﺎ ﻭﺿﻮﺀ ﺧﻔﯿﻔﺎ ﻭﻣﺴﺢ
ﻋﻠﯽ ﻧﻌﻠﯿﮧ، ﺛﻢ ﻗﺎﻝ ﮬﮑﺬﺍ ﻭﺿﻮﺀ ﺭﺳﻮﻝ ﺍﻟﻠﮧ ﷺ ﻟﻠﻄﺎﮬﺮ ﻣﺎﻟﻢ
ﯾﺤﺪﺙ (ﺻﺤﯿﺢ ﺍﺑﻦ ﺣﺰﯾﻤﮧؒ ﺹ ۱۰۰ ﺝ ۱ ﺑﺎﺏ ۱۵۴ ﺣﺪ۳۰۰ )
ﺣﻀﺮﺕ ﻋﻠﯽؓ ﻧﮯ ﭘﺎﻧﯽ ﮐﺎ ﺍﯾﮏ ﮔﻼﺱ ﻣﻨﮕﻮﺍﯾﺎ ، ﺍﻭﺭ ﺑﮩﺖ ﻣﺨﺘﺼﺮ
ﻭﺿﻮ ﮐﯿﺎ ﺍﻭﺭ ﺍﭘﻨﮯ ﺟﻮﺗﻮﮞ ﭘﺮ ﻣﺴﺢ ﮐﯿﺎ، ﭘﮭﺮ ﻓﺮﻣﺎﯾﺎ : ﻃﮩﺎﺭﺕ ﮐﯽ
ﺣﺎﻟﺖ ﻣﯿﮟ ﺟﺐ ﺗﮏ ﻭﺿﻮ ﻧﮧ ﭨﻮﭨﺎ ﮨﻮ، ﺁﻧﺤﻀﺮﺕ ﷺ ﺍﺳﯽ ﻃﺮﺡ
ﻭﺿﻮ ﻓﺮﻣﺎﯾﺎ ﮐﺮﺗﮯ ﺗﮭﮯ۔
ﺍﺱ ﻭﺿﺎﺣﺖ ﮐﮯ ﺑﻌﺪ ’’ ﺟﻮﺗﻮﮞ ﭘﺮ ﻣﺴﺢ ‘‘ ﺛﺎﺑﺖ ﮐﺮﻧﮯ ﻭﺍﻟﯽ
ﺭﻭﺍﯾﺎﺕ ﺳﮯ ﺑﮯ ﻭﺿﻮ ﺁﺩﻣﯽ ﮐﮯ ﻟﺌﮯ ﺟﻮﺗﻮﮞ ﭘﺮ ﻣﺴﺢ ﮐﺮﻧﮯ ﮐﯽ
ﮐﻮﺋﯽ ﮔﻨﺠﺎﺋﺶ ﺑﺎﻗﯽ ﻧﮩﯿﮟ ﺭﮨﺘﯽ۔
ﻟﮩﺬﺍ
ﺍﻣﺖ ﮐﮯ ﺗﻤﺎﻡ ﻣﺴﺘﻨﺪ ﻓﻘﮩﺎﺀ ﻭ ﻣﺠﺘﮩﺪﯾﻦ ﮐﺎ ﺍﺱ ﭘﺮ ﺍﺗﻔﺎﻕ ﮨﮯ ﮐﮧ ﻭﮦ
ﺑﺎﺭﯾﮏ ﻣﻮﺯﮮ ﺟﺲ ﺳﮯ ﭘﺎﻧﯽ ﭼﮭﻦ ﺟﺎﺗﺎ ﮨﻮ، ﯾﺎ ﻭﮦ ﮐﺴﯽ ﭼﯿﺰ ﺳﮯ
ﺑﺎﻧﺪﮬﮯ ﺑﻐﯿﺮ ﭘﻨﮉﻟﯽ ﭘﺮ ﮐﮭﮍﮮ ﻧﮧ ﺭﮨﺘﮯ ﮨﻮﮞ ، ﯾﺎ ﺍﻥ ﻣﯿﮟ ﺩﻭ ﻣﯿﻞ
ﻣﺴﻠﺴﻞ ﭼﻠﻨﺎ ﻣﻤﮑﻦ ﻧﮧ ﮨﻮ ، ﺍﻥ ﭘﺮ ﻣﺴﺢ ﺟﺎﺋﺰ ﻧﮩﯿﮟ ﮨﮯ ﺍﻭﺭ ﻧﮧ
ﺟﻮﺗﻮﮞ ﭘﺮ ﻣﺴﺢ ﺩﺭﺳﺖ ﮨﮯ ﺍﻭﺭ ﭼﻮﻧﮑﮧ ﮨﻤﺎﺭﮮ ﺯﻣﺎﻧﮯ ﻣﯿﮟ ﺟﻮ
ﺳﻮﺗﯽ ، ﺍﻭﻧﯽ ، ﻧﺎﺋﯿﻠﻮﻥ ﮐﮯ ﻣﻮﺯﮮ ﺭﺍﺋﺞ ﮨﯿﮟ ﻭﮦ ﺑﺎﺭﯾﮏ ﮨﻮﺗﮯ ﮨﯿﮟ
ﺍﻭﺭ ﺍﻥ ﻣﯿﮟ ﻣﺬﮐﻮﺭﮦ ﺍﻭﺻﺎﻑ ﻧﮩﯿﮟ ﭘﺎﺋﮯ ﺟﺎﺗﮯ ، ﺍﺱ ﻟﺌﮯ ﺍﻥ ﭘﺮ
ﻣﺴﺢ ﮐﺴﯽ ﺣﺎﻝ ﻣﯿﮟ ﺟﺎﺋﺰ ﻧﮩﯿﮟ ، ﺍﻭﺭ ﺟﻮ ﺷﺨﺺ ﺍﯾﺴﺎ ﮐﺮﮮ ﮔﺎ
ﺗﻮ ﺍﻣﺎﻡ ﺍﺑﻮ ﺣﻨﯿﻔﮧؒ، ﺍﻣﺎﻡ ﺷﺎﻓﻌﯽؒ، ﺍﻣﺎﻡ ﻣﺎﻟﮏؒ ، ﺍﻣﺎﻡ ﺍﺣﻤﺪ ﺑﻦ ﺣﻨﺒﻞؒ
ﺑﻠﮑﮧ ﮐﺴﯽ ﺑﮭﯽ ﻣﺠﺘﮩﺪ ﮐﮯ ﻣﺴﻠﮏ ﻣﯿﮟ ﺍﺳﮑﺎ ﻭﺿﻮ ﺻﺤﯿﺢ ﻧﮩﯿﮟ
ﮨﻮﮔﺎ۔ ﻭﺍﻟﻠﮧ ﺳﺒﺤﺎﻧﮧ ﻭﺗﻌﺎﻟﯽ ﺍﻋﻠﻢ ﺑﺎﻟﺼﻮﺍﺏ
(ﺑﺤﻮﺍﻟﮧ ﻓﻘﮩﯽ ﻣﻘﺎﻻﺕ ’ ﻣﻔﺘﯽ ﻣﺤﻤﺪ ﺗﻘﯽ ﻋﺜﻤﺎﻧﯽ ﺻﺎﺣﺐ ‘
ﺟﻠﺪ ﺩﻭﻡ ﺹ ۹ ۔ ۲٤ )
ﺍﺱ ﺍﺷﺘﮩﺎﺭﺍﺕ ﮐﮯ ﻣﺘﻌﻠﻖ
No comments:
Post a Comment