* ﻣﻮﻻﻧﺎ ﺍﺟﻤﯿﺮﯼ ﻣﻮﻻﻧﺎ ﺍﺣﻤﺪ ﺭﺿﺎ ﺧﺎﮞ ﮐﮯ ﻣﺠﺪﺩ ﮨﻮﻧﮯ ﭘﺮ ﺑﺤﺚ ﮐﺮﺗﮯ ﮨﻮﺋﮯ ﻟﮑﮭﺘﮯ ﮨﯿﮟ *:
ﻣﻨﺼﺐ ﻣﺠﺪﺩﯾﺖ ﺍﻥ ﮐﻮ ﮐﯿﺴﮯ ﺣﺎﺻﻞ ﮨﻮﺍ۔ ﻇﺎﮨﺮ ﮨﮯ ﮐﮧ ﻣﺤﺾ ﻓﺘﻮﯼٰ ﻧﻮﯾﺴﯽ ﺍﺱ ﮐﺎ ﺳﺒﺐ ﻧﮩﯿﮟ ﮨﻮ ﺳﮑﺘﯽ۔ ﻭﺭﻧﮧ ﮨﻨﺪﻭﺳﺘﺎﻥ ﮐﮯ ﺗﻤﺎﻡ ﻣﻔﺘﯿﺎﻥ ﮐﺮﺍﻡ ﺍﺱ ﻣﻨﺼﺐ ﻋﺎﻟﯽ ﮐﮯ ﮐﯿﻮﮞ ﺳﺰﺍﻭﺍﺭ ﻧﮩﯿﮟ ﮐﯿﻮﻧﮑﮧ ﺍﺳﻼﻣﯽ ﺭﯾﺎﺳﺘﻮﮞ ﻣﺜﻞ ﺣﯿﺪﺭ ﺁﺑﺎﺩ ﺩﮐﻦ، ﺑﮭﻮﭘﺎﻝ ﭨﻮﻧﮏ ﻭﻏﯿﺮﮦ ﮐﮯ ﻣﻔﺘﯿﺎﻥ ﮐﺮﺍﻡ ﮐﮧ ﻭﮦ ﻣﻨﺠﺎﻧﺐ ﺭﯾﺎﺳﺖ ﺧﺪﻣﺖ ﻓﺘﻮﯼٰ ﻧﻮﯾﺴﯽ ﮐﮯ ﻟﯿﮯ ﻓﺎﺭﻍ ﮐﺮ ﺩﯾﺌﮯ ﮔﺌﮯ ﮨﯿﮟ ﺍﻭﺭ ﺟﻦ ﮐﺎ ﺷﺐ ﻭ ﺭﻭﺯ ﯾﮩﯽ ﮐﺎﻡ ﮨﮯ ﺍﺱ ﻭﺟﮧ ﺳﮯ ﯾﮧ ﻧﮩﺎﯾﺖ ﻗﺮﯾﻦ ﻗﯿﺎﺱ ﮨﮯ ﮐﮧ ﻭﮦ ﺍﻋﻠﯽٰ ﺣﻀﺮﺕ ﺳﮯ ﺑﮭﯽ ﺯﺍﺋﺪ ﻭﺳﯿﻊ ﺍﻟﻨﻈﺮ ﮨﻮﮞ ﭘﺲ ﻣﺤﺾ ﻓﺘﻮﯼٰ ﻧﻮﯾﺴﯽ ﮨﯽ ﺍﮔﺮ ﺍﺱ ﮐﺎ ﺳﺒﺐ ﮨﻮﺗﯽ ﺗﻮ ﭘﮭﺮ ﻣﺠﺪﺩﯾﺖ ﮐﺎ ﺳﮩﺮﺍ ﺑﺠﺎﺋﮯ ﺍﻋﻠﯽٰ ﺣﻀﺮﺕ ﮐﮯ ﺍﺱ ﮐﮯ ﺳﺮ ﺑﻨﺪﮬﻨﺎ ﭼﺎﮨﯿﮯ ﺭﮨﯽ ﺗﺪﺭﯾﺲ ﺗﻮ ﺍﺱ ﮐﺎ ﺍﻋﻠﯽٰ ﺣﻀﺮﺕ ﻧﮯ ﮐﺴﯽ ﺯﻣﺎﻧﮧ ﻣﯿﮟ ﺻﺮﻑ ﺧﻮﺍﺏ ﮨﯽ ﺩﯾﮑﮭﺎ ﮨﮯ ﮐﮧ ﻭﮦ ﺍﻥ ﮐﻮ ﺧﻮﺍﺏ ﭘﺮﯾﺸﺎﻥ ﮐﯽ ﻃﺮﺡ ﯾﺎﺩ ﺑﮭﯽ ﻧﮧ ﺭﮨﺎ۔ ﮐﺜﺮﺕ ﺗﺎﻟﯿﻔﺎﺕ ﮐﮯ ﺑﺎﻋﺚ ﺑﮭﯽ ﻭﮦ ﺍﺱ ﻣﻨﺼﺐ ﮐﮯ ﻣﺴﺘﺤﻖ ﻧﮩﯿﮟ ﮨﻮ ﺳﮑﺘﮯ۔ ﮐﯿﻮﮞﮑﮧ ﮐﺜﺮﺕ ﺗﻌﺪﺍﺩ ﮐﯽ ﺻﻮﺭﺕ ﻣﯿﮟ ﮐﺴﯽ ﻃﺮﺡ ﻭﮦ ﻧﻮﺍﺏ ﺻﺪﺭ ﺍﻟﺪﯾﻦ ﺣﺴﯿﻦ ﺧﺎﻥ ﺻﺎﺣﺐ ﺑﮍﻭﺩﮦ ﺳﮯ ﻧﮩﯿﮟ ﺑﮍﮪ ﺳﮑﺘﮯ۔ ( ۱ )
( ۱ ) ( ﺗﺠﻠﯿﺎﺕ ﺍﻧﻮﺍﺭ ﺹ۳۱، ۳۲ )
ﺣﻀﺮﺕ ﻣﻮﻻﻧﺎ ﺍﺟﻤﯿﺮﯼ ﺗﻮ ﻋﻠﻤﺎﺀ ﺩﯾﻮﺑﻨﺪ ﻣﯿﮟ ﺳﮯ ﻧﮧ ﺗﮭﮯ ﺍﯾﮏ ﻏﯿﺮ ﺟﺎﻧﺒﺪﺍﺭ ﮐﯽ ﺣﯿﺜﯿﺖ ﺳﮯ ﺣﻀﺮﺕ ﮐﺎ ﺑﯿﺎﻥ ﺑﮩﺖ ﺍﮨﻤﯿﺖ ﮐﺎ ﺣﺎﻣﻞ ﮨﮯ۔ ﺍﺱ ﻣﯿﮟ ﯾﮧ ﺩﻭ ﺑﺎﺗﯿﮟ ﮐﮭﻞ ﮐﺮ ﺳﺎﻣﻨﮯ ﺁ ﮔﺌﯿﮟ۔
ﺍﻋﻠﯽٰ ﺣﻀﺮﺕ ﻣﯿﮟ ﮐﻮﺋﯽ ﺍﯾﺴﺎ ﻋﻠﻤﯽ ﮐﻤﺎﻝ ﻧﮧ ﺗﮭﺎ ﺟﻮ ﺍﻥ ﮐﮯ ﺩﯾﮕﺮ ﮨﻤﻌﺼﺮﻭﮞ ﻣﯿﮟ ﻧﮧ ﭘﺎﯾﺎ ﺟﺎﺗﺎ ﮨﻮ ﺑﮍﮮ ﺑﮍﮮ ﻣﻔﺘﯽ ﺍﻭﺭ ﻣﺼﻨﻒ ﻣﻮﺟﻮﺩ ﺗﮭﮯ۔ ﺟﻮ ﻋﻠﻢ ﻣﯿﮟ ﺍﻥ ﺳﮯ ﺑﮍﮪ ﮐﺮ ﺗﮭﮯ۔ ﺍﻭﺭ ﯾﮧ ﺑﺎﺕ ﺧﺎﻥ ﺻﺎﺣﺐ ﮐﮯ ﻣﺨﺎﻟﻔﯿﻦ ﻣﯿﮟ ﮨﯽ ﻧﮩﯿﮟ ﺍﻥ ﮐﮯ ﮨﻢ ﻣﺴﻠﮏ ﺣﻠﻘﻮﮞ ﻣﯿﮟ ﺑﮭﯽ ﻣﺴﻠﻢ ﺗﮭﯽ۔ ﻣﻮﻻﻧﺎ ﻣﻌﯿﻦ ﺍﻟﺪﯾﻦ ﺍﺟﻤﯿﺮﯼ ﻧﮯ ﺁﭖ ﮐﮯ ﮐﭽﮫ ﻓﻀﺎﺋﻞ ﺫﮐﺮ ﮐﯿﮯ ﮨﯿﮟ ﺍﻭﺭ ﺑﺘﺎﯾﺎ ﮨﮯ ﮐﮧ ﺁﭖ ﮐﯿﺴﮯ ﯾﮧ ﻣﻘﺎﻡ ﻣﺠﺪﺩﯾﺖ ﭘﺎ ﮔﺌﮯ۔
* ﺍﻋﻠﯽٰ ﺣﻀﺮﺕ ﮐﯽ ﺷﺎﻥ ﻣﺠﺪﺩﯾﺖ *:
ﻣﻮﻻﻧﺎ ﺍﺣﻤﺪ ﺭﺿﺎ ﺧﺎﮞ ﭼﻮﺩﮨﻮﯾﮟ ﺻﺪﯼ ﮐﮯ ﻣﺠﺪﺩ ﮐﯿﺴﮯ ﺑﻨﮯ؟ ﯾﮧ ﺳﻮﺍﻝ ﭘﮩﻠﮯ ﺁ ﭼﮑﺎ ﮨﮯ ﺍﻭﺭ ﻧﺎﻇﺮﯾﻦ ﺟﺎﻥ ﭼﮑﮯ ﮨﯿﮟ ﮐﮧ ﺣﻀﺮﺕ ﻣﯿﮟ ﮐﻮﺋﯽ ﻋﻠﻤﯽ ﮐﻤﺎﻝ ﻧﮧ ﺗﮭﺎ ﺟﻮ ﺍﺱ ﻣﺮﺗﺒﮧ ﻋﻈﻤﯽٰ ﮐﺎ ﻣﻮﺟﺐ ﮨﻮﺍ ﮨﻮ ﺣﻀﺮﺕ ﻣﻮﻻﻧﺎ ﻣﻌﯿﻦ ﺍﻟﺪﯾﻦ ﺍﺟﻤﯿﺮﯼ ﺳﻠﺴﻠﮧ ﺧﯿﺮ ﺁﺑﺎﺩﯾﮧ ﮐﮯ ﻣﺸﮩﻮﺭ ﺑﺰﺭﮒ ﮔﺰﺭﮮ ﮨﯿﮟ ﺍﻧﮩﻮﮞ ﻧﮯ ﺍﺱ ﻋﻨﻮﺍﻥ ﺳﮯ ﮐﮧ ﻭﮦ ﮐﯿﺎ ﻓﻀﺎﺋﻞ ﮨﯿﮟ۔ ﺟﺲ ﻧﮯ ﺧﺎﮎ ﭘﺎﮎ ﺑﺮﯾﻠﯽ ﮐﮯ ﺍﯾﮏ ﻣﻔﺘﯽ ﮐﻮ ﻣﺠﺪﺩ ﺑﻨﺎ ﺩﯾﺎ۔ ( ۱ )
ﺍﺱ ﭘﺮ ﭘﻮﺭﯼ ﺑﺤﺚ ﮐﯽ ﮨﮯ ﺁﭖ ﮐﮯ ﯾﮧ ﻓﻀﺎﺋﻞ ﺁﭖ ﮐﮯ ﻋﻠﻢ ﻭ ﻓﻀﻞ ﺍﻭﺭ ﺯﺑﺎﻥ ﻭ ﻋﻤﻞ ﮐﯽ ﻣﻨﮧ ﺑﻮﻟﺘﯽ ﺗﺼﻮﯾﺮ ﮨﯿﮟ۔ ﺣﻀﺮﺕ ﺍﺟﻤﯿﺮﯼ ﻧﮯ ﺁﭖ ﮐﮯ ﯾﮧ ﻓﻀﺎﺋﻞ ﺫﮐﺮ ﮐﯿﮯ ﮨﯿﮟ :
ﻓﻀﯿﻠﺖ ۱ …: ﭘﮩﻠﻮ ﺩﺍﺭ ﮔﻮﺋﯽ : ﮐﺌﯽ ﮐﺌﯽ ﭘﮩﻠﻮﺋﻮﮞ ﻭﺍﻟﯽ ﺑﺎﺕ ﮐﺮﻧﺎ
ﻓﻀﯿﻠﺖ ۲ …: ﺗﮑﻔﯿﺮ : ﻣﺴﻠﻤﺎﻧﻮﮞ ﮐﻮ ﻭﮨﺎﺑﯽ ﮐﮩﮧ ﮐﺮ ﮐﺎﻓﺮ ﺑﻨﺎﻧﺎ
ﻓﻀﯿﻠﺖ ۳ : … ﻋﻤﻞ ﺑﺎﻟﺤﺪﯾﺚ : ﺻﺤﺎﺑﮧ ﮐﺮﺍﻡ ﮐﮯ ﻓﯿﺼﻠﻮﮞ ﺳﮯ ﮔﺮﯾﺰ ﮐﺮﻧﺎ
ﻓﻀﯿﻠﺖ۴ : … ﺧﻮﺩ ﺳﺘﺎﺋﯽ : ﺍﭘﻨﯽ ﻣﺪﺡ ﻭ ﺛﻨﺎ ﻣﯿﮟ ﺧﻮﺷﯽ ﻣﻨﺎﻧﺎـ
( ۱ ) ( ﺗﺠﻠﯿﺎﺕ ﺍﻧﻮﺍﺭ ﺍﻟﻤﻌﯿﻦ ﺹ۳۳ )
ﭘﮩﻠﻮ ﻭﺍﺭ ﮔﻔﺘﮕﻮ ﻣﯿﮟ ﺁﭖ ﮐﻮ ﻓﺤﺶ ﮔﻔﺘﮕﻮ ﺑﮩﺖ ﭘﺴﻨﺪ ﺗﮭﯽ۔ ﻭﮦ ﺍﺳﮯ ﻓﺤﺶ ﺗﺴﻠﯿﻢ ﻧﮧ ﮐﺮﺗﮯ ﺗﮭﮯ ﭘﮩﻠﻮﺩﺍﺭ ﺑﺎﺕ ﮐﮩﺘﮯ ﺗﮭﮯ۔ ﺍﯾﮏ ﻣﻘﺎﻡ ﭘﺮ ﻟﮑﮭﺘﮯ ﮨﯿﮟ :
ﺍﻧﮩﯿﮟ ﮐﻮﺋﯽ ﭘﮩﻠﻮﺩﺍﺭ ﻟﻔﻆ ﮐﮩﺎ ﺍﻭﺭ ﺍﻥ ﻣﺴﻠﻤﺎﻥ ﺑﻨﻨﮯ ﻭﺍﻟﻮﮞ ﮐﯽ ﺗﮩﺬﯾﺐ ﻣﯿﮟ ﺁﮒ ﻟﮕﯽ۔ ( ۱ )
ﺍﺱ ﺳﮯ ﭘﺘﮧ ﭼﻠﺘﺎ ﮨﮯ ﮐﮧ ﺁﭖ ﮐﮯ ﻣﻘﺎﺑﻞ ﺳﻨﯽ ﻣﺴﻠﻤﺎﻥ ﮨﻮﺗﮯ ﺗﮭﮯ ﺍﻭﺭ ﻭﮨﯽ ﺁﭖ ﮐﯽ ﭘﮩﻠﻮ ﺩﺍﺭ ﺯﺑﺎﻥ ﮐﺎ ﺗﺨﺘﮧ ﻣﺸﻖ ﺑﻨﺘﮯ ﺗﮭﮯ۔ ﺁﭖ ﺍﭘﻨﮯ ﻣﺨﺎﻟﻔﯿﻦ ﮐﻮ ﺍﺱ ﭼﮭﺒﺘﮯ ﺍﻧﺪﺍﺯ ﺳﮯ ﻣﺴﻠﻤﺎﻥ ﮐﮩﻨﺎ ﺑﺘﺎ ﺭﮨﺎ ﮨﮯ ﮐﮧ ﻣﺴﻠﻤﺎﻥ ﻣﻮﻻﻧﺎ ﮐﻮ ﺑﮩﺖ ﭼﮭﺒﺘﮯ ﺗﮭﮯ۔
ﺁﭖ ﮐﮯ ﻋﻠﻤﯽ ﮐﻤﺎﻻﺕ ﮐﯽ ﭘﻮﺭﯼ ﺟﮭﻠﮏ ﺩﯾﮑﮭﻨﯽ ﮨﻮ ﺗﻮ ﯾﮧ ﺩﯾﮑﮭﺌﮯ ﮐﮧ ﺁﭖ ﻧﮯ ﺗﮑﻔﯿﺮ ﮐﯽ ﻣﮩﻢ ﮐﻮ ﺳﺮ ﮐﺮﻧﮯ ﮐﮯ ﻟﯿﮯ ﺍﭘﻨﮯ ﻟﯿﮯ ﮐﻮﻥ ﺳﺎ ﺯﯾﻨﮧ ﺍﺧﺘﯿﺎﺭ ﻓﺮﻣﺎﯾﺎ۔
1 ﭘﮩﻠﮯ ﺳﻨﯽ ﻣﺴﻠﻤﺎﻥ ﮐﻮ ﻭﮨﺎﺑﯽ ﻗﺮﺍﺭ ﺩﯾﻨﺎ۔
2 ﭘﮭﺮ ﮐﺎﻓﺮ ﮐﮩﻨﺎ ﺍﻭﺭ
3 ﭘﮭﺮ ﻣﻠﻨﺎ ﺟﻠﻨﺎ ﺍﻭﺭ ﺳﻼﻡ ﺍﻭﺭ ﮐﻼﻡ ﺳﺐ ﮐﭽﮫ ﺣﺮﺍﻡ ﭨﮭﮩﺮﺍﻧﺎ۔
ﺍﻋﻠﯽٰ ﺣﻀﺮﺕ ﻧﮯ ﺍﯾﮏ ﺩﻧﯿﺎ ﮐﻮ ﻭﮨﺎﺑﯽ ﮐﺮ ﮈﺍﻻ، ﺍﯾﺴﺎ ﺑﺪﻧﺼﯿﺐ ﻭﮦ ﮐﻮﻥ ﮨﮯ ﺟﺲ ﭘﺮ ﺁﭖ ﮐﺎ ﺧﻨﺠﺮ ﻭﮨﺎﺑﯿﺖ ﻧﮧ ﭼﻼ ﮨﻮ۔ ﻭﮦ ﺍﻋﻠﯽٰ ﺣﻀﺮﺕ ﺟﻮ ﺑﺎﺕ ﺑﺎﺕ ﻣﯿﮟ ﻭﮨﺎﺑﯽ ﺑﻨﺎﻧﮯ ﮐﮯ ﻋﺎﺩﯼ ﮨﻮﮞ۔ ﻭﮦ ﺍﻋﻠﯽٰ ﺣﻀﺮﺕ ﺟﻦ ﮐﯽ ﺗﺼﺎﻧﯿﻒ ﮐﯽ ﻋﺼﻤﺖ ﻏﺎﺋﯿﮧ ﻭﮨﺎﺑﯿﺖ ﺟﻨﮩﻮﮞ ﻧﮯ ﺍﮐﺜﺮ ﻋﻠﻤﺎﺀ ﺍﮨﻞ ﺳﻨﺖ ﮐﻮ ﻭﮨﺎﺑﯽ ﺑﻨﺎ ﮐﺮ ﻋﻮﺍﻡ ﮐﺎﻻﻧﻌﺎﻡ ﮐﻮ ﺍﻥ ﺳﮯ ﺑﺪﻇﻦ ﮐﺮﺍ ﺩﯾﺎ۔ ﺟﻦ ﮐﮯ ﺍﺗﺒﺎﻉ ﮐﯽ ﭘﮩﭽﺎﻥ ﯾﮧ ﮨﮯ ﮐﮧ ﻭﮦ ﻭﻋﻆ ﻣﯿﮟ ﺍﮨﻞ ﺣﻖ ﺳﻨﯿﻮﮞ ﮐﻮ ﻭﮨﺎﺑﯽ ﮐﮩﮧ ﮐﺮ ﮔﺎﻟﯿﻮﮞ ﮐﺎ ﻣﯿﻨﮧ ﺑﺮﺳﺎﺗﮯ ﮨﯿﮟ۔ ( ۲ )
ﺩﻧﯿﺎ ﻣﯿﮟ ﺷﺎﯾﺪ ﮐﺴﯽ ﻧﮯ ﺍﺱ ﻗﺪﺭ ﮐﺎﻓﺮﻭﮞ ﮐﻮ ﻣﺴﻠﻤﺎﻥ ﻧﮩﯿﮟ ﮐﯿﺎ ﮨﻮ ﮔﺎ ﺟﺲ ﻗﺪﺭ ﺍﻋﻠﯽٰ ﺣﻀﺮﺕ ﻧﮯ ﻣﺴﻠﻤﺎﻧﻮﮞ ﮐﻮ ﮐﺎﻓﺮ ﺑﻨﺎﯾﺎ … ﻣﮕﺮ ﺩﺭ ﺣﻘﯿﻘﺖ ﯾﮧ ﻭﮦ ﻓﻀﯿﻠﺖ ﮨﮯ ﺟﻮ ﺳﻮﺍﺋﮯ ﺍﻋﻠﯽٰ ﺣﻀﺮﺕ ﮐﮯ ﮐﺴﯽ ﮐﮯ ﺣﺼﮧ ﻣﯿﮟ ﻧﮩﯿﮟ ﺁﺋﯽ۔ ( ۳ )
ﺍﯾﮟ ﺟﻨﺲ ﮔﺮﺍﻣﯽ ﮨﻤﮧ ﮐﺲ ﺭﺍﻧﺪ ﮨﻨﺪ ( ۴ )
( ۱ ) ( ﻣﻘﺘﻞ ﺍﺟﮩﻞ ﺍﮐﺬﺏ ﺹ۱۲ )
( ۲ ) ( ﺗﺠﻠﯿﺎﺕ ﺍﻧﻮﺍﺭ ﺹ۴۲ )
( ۳ ) ( ﺗﺠﻠﯿﺎﺕ ﺍﻧﻮﺍﺭ ﺹ۴۲ )
( ۴ ) ( ﺗﺠﻠﯿﺎﺕ ﺍﻧﻮﺍﺭ ﺹ۳۷ )
* ﻋﻤﻞ ﺑﺎﻟﺤﺪﯾﺚ ﮐﮯ ﻋﻨﻮﺍﻥ ﺳﮯ ﺻﺤﺎﺑﮧ ﮐﺮﺍﻡ ﮐﮯ ﻧﻘﺶ ﻗﺪﻡ ﺍﻭﺭ ﻓﻘﮧ ﺣﻨﻔﯽ ﮐﯽ ﺣﺪﻭﺩ ﺳﮯ ﻧﮑﻠﻨﺎ ﻣﻮﻻﻧﺎ ﺍﺣﻤﺪ ﺭﺿﺎ ﺧﺎﮞ ﮐﺎ ﻋﻤﻞ ﺧﺎﺹ ﺭﮨﺎ ﮨﮯ۔ ﺟﺲ ﮐﺎ ﺩﻝ ﭼﺎﮨﮯ ﺧﺎﻥ ﺻﺎﺣﺐ ﮐﯽ ﺑﺪﺍﯾﻮﻧﯿﻮﮞ ﺳﮯ ﻣﻌﺮﮐﮧ ﺁﺭﺍﺋﯽ ﮐﺎ ﭘﻮﺭﺍ ﻧﻘﺸﮧ ﺩﯾﮑﮫ ﻟﮯ۔ *
ﺭﮨﯽ ﺁﭖ ﮐﯽ ﭼﻮﺗﮭﯽ ﻓﻀﯿﻠﺖ ﺟﻮ ﺁﭖ ﮐﯽ ﺍﭘﻨﮯ ﺑﺎﺭﮮ ﻣﯿﮟ ﺧﻮﺩ ﺳﺘﺎﺋﯽ ﮨﮯ۔ ﻭﮦ ﺁﭖ ﮐﻮ ﺍﯾﮏ ﻋﺎﻟﻢ ﮐﯽ ﺣﯿﺜﯿﺖ ﻣﯿﮟ ﻧﮩﯿﮟ ﺍﯾﮏ ﺟﻨﮕﺠﻮ ﭘﮩﻠﻮﺍﻥ ﮐﯽ ﺣﯿﺜﯿﺖ ﻣﯿﮟ ﭘﯿﺶ ﮐﺮﺗﯽ ﮨﮯ۔ ﺍﯾﮏ ﻣﻘﺎﻡ ﭘﺮ ﺍﭘﻨﺎ ﺗﻌﺎﺭﻑ ﺍﻥ ﻟﻔﻈﻮﮞ ﻣﯿﮟ ﮐﺮﺗﮯ ﮨﯿﮟ۔
ﻭﮦ ﺭﺿﺎ ﮐﮯ ﻧﯿﺰﮮ ﮐﯽ ﻣﺎﺭ ﮨﮯ ﮐﮧ ﺍﻋﺪﺍﺀ ﮐﮯ ﺳﯿﻨﮯ ﻣﯿﮟ ﺧﺎﺭ ﮨﮯ
ﮐﺴﮯ ﭼﺎﺭﮦ ﺟﻮﺋﯽ ﮐﺎ ﻭﺍﺭ ﮨﮯ ﯾﮧ ﻭﺍﺭ ﻭﺍﺭ ﺳﮯ ﭘﺎﺭ ﮨﮯ ( ۱ )
ﭘﮭﺮ ﺍﯾﮏ ﺩﻭﺳﺮﮮ ﻣﻘﺎﻡ ﭘﺮ ﺍﭘﻨﮯ ﺑﺎﺭﮮ ﻣﯿﮟ ﻟﮑﮭﺘﮯ ﮨﯿﮟ :
ﻣﺤﻤﺪﯼ ﮐﮭﭽﺎﺭ ﮐﺎ ﺷﯿﺮ ﺷﺮﺯﮦ ﺣﯿﺪﺭﯼ ﻧﻌﺮﮦ ﮐﮯ ﺳﺎﺗﮫ ﺳﺎﻣﻨﮯ ﺁﯾﺎ ﮨﮯ۔ ( ۲ )
ﭘﮭﺮ ﺳﺪ ﺍﻟﻘﺮﺍﺭ ﻣﯿﮟ ﻟﮑﮭﺎ ﮨﮯ :
ﻭﮦ ﺍﮐﯿﻼ ﻣﺤﻤﺪﯼ ﺷﯿﺮ ﺟﻮ ﺍﺱ ﺑﮭﺮﮮ ﻣﯿﺪﺍﻥ ﺍﻋﺪﺍﺀ ﻣﯿﮟ ﯾﺎ ﺭﺳﻮﻝ ﺍﷲ ﮐﮩﮧ ﮐﺮ ﮐﻮﺩ ﭘﮍﺍ ﺍﻭﺭ ﺗﻨﮩﺎ ﭼﺎﺭ ﻃﺮﻑ ﺗﻠﻮﺍﺭ ﮐﺮ ﺭﮨﺎ ﮨﮯ۔ ( ۳ )
ﯾﮧ ﺗﻠﻮﺍﺭ ﺻﺮﻑ ﮐﺮ ﮨﯽ ﺭﮨﺎ ﮨﮯ ﭼﻼ ﻧﮩﯿﮟ ﺭﮨﺎ، ﮨﺎﺗﮭﯽ ﮐﮯ ﺩﺍﻧﺖ ﺩﮐﮭﺎﻧﮯ ﮐﮯ ﺍﻭﺭ ﮐﮭﺎﻧﮯ ﮐﮯ ﺍﻭﺭ ﮨﻮﺗﮯ ﮨﯿﮟ۔ ﻣﻮﻻﻧﺎ ﺍﺣﻤﺪ ﺭﺿﺎ ﺧﺎﮞ ﮐﺲ ﺟﺮﺍٔﺕ ﻭ ﻣﺤﺒﺖ ﺳﮯ ﻣﯿﺪﺍﻥ ﻣﯿﮟ ﺍﺗﺮﺗﮯ ﺗﮭﮯ۔ ﺍﺳﮯ ﺣﻀﺮﺕ ﻣﻮﻻﻧﺎ ﺍﺟﻤﯿﺮﯼ ﮐﯽ ﺯﺑﺎﻥ ﺳﮯ ﺳﻨﯿﮯ۔
ﮔﮭﺮ ﺑﯿﭩﮭﮯ ﻗﻠﻢ ﮐﮯ ﻧﯿﺰﮮ ﭼﻼ ﺭﮨﺎ ﮨﮯ۔ ﺟﺲ ﮐﻮ ﺍﺱ ﺑﺎﺯﯼ ﺳﮯ ﺍﺗﻨﯽ ﺑﮭﯽ ﻓﺮﺻﺖ ﻧﮩﯿﮟ ﻣﻠﯽ ﮐﮧ ﮐﺒﮭﯽ ﻣﺠﻤﻊ ﻋﺎﻡ ﻣﯿﮟ ﺁ ﮐﺮ ﮐﺴﯽ ﺳﮯ ﺑﺮﺳﺮ ﭘﯿﮑﺎﺭ ﮨﻮﺗﺎ۔ ﭘﮭﺮ ﻭﮦ ﺧﻮﺍﮦ ﻣﺎﺕ ﮐﮭﺎ ﮐﺮ ﮨﯽ ﮔﮭﺮ ﻟﻮﭨﺘﺎ۔ ﻟﯿﮑﻦ ﺧﻠﻘﺖ ﯾﮧ ﮐﮩﻨﮯ ﺳﮯ ﺗﻮ ﺑﺎﺯ ﺭﮨﺘﯽ ﮐﮧ ﺍﺯ ﺍﺑﺘﺪﺍ ﻣﻌﺮﮐﮧ ﺍﻭﺭ ﺩﺭﻣﯿﺎﻥ ﻧﺒﻮﺩ۔ ( ۴ )
( ۱ ) ( ﺣﺪﺍﺋﻖ ﺑﺨﺸﺶ ﺣﺼﮧ ﺩﻭﻡ ﺹ۴۴ ﻣﻄﺒﻮﻋﮧ ﺩﮨﻠﯽ )
( ۲ ) ( ﺍﺟﻠﯽ ﺍﻧﻮﺍﺭ ﺍﻟﺮﺿﺎ ﺹ۱۷ )
( ۳ ) ( ﺳﺪ ﺍﺍﻟﻔﺮﺍﺭ ﺹ۳ )
( ۴ ) ( ﺗﺠﻠﯿﺎﺕ ﺍﻧﻮﺍﺭ ﺹ۴۵ )
ﻣﻮﻻﻧﺎ ﺍﺣﻤﺪ ﺭﺿﺎ ﺧﺎﮞ ﮐﻮ ﺍﭘﻨﯽ ﻋﻠﻤﯽ ﺑﮯ ﻣﺎﺋﯿﮕﯽ ﮐﺎ ﭘﻮﺭﺍ ﺍﺣﺴﺎﺱ ﺗﮭﺎ ﺍﺱ ﻟﯿﮯ ﺁﭖ ﮐﺒﮭﯽ ﮐﺴﯽ ﮐﮯ ﺳﺎﻣﻨﮯ ﻋﻠﻤﯽ ﻣﺒﺎﺯﺭﺕ ﻣﯿﮟ ﻧﮧ ﻧﮑﻠﮯ ﺍﻟﺒﺘﮧ ﮔﮭﺮ ﺑﯿﭩﮭﮯ ﮔﮭﻮﮌﮮ ﺧﻮﺏ ﺩﻭﮌﺍﺗﮯ ﺗﮭﮯ ﺣﻀﺮﺕ ﻣﻮﻻﻧﺎ ﻣﻌﯿﻦ ﺍﻟﺪﯾﻦ ﺍﺟﻤﯿﺮﯼ ﮐﯽ ﺍﺱ ﺷﮩﺎﺩﺕ ﺳﮯ ﺍﻋﻠﯽٰ ﺣﻀﺮﺕ ﮐﯽ ﻋﻠﻤﯽ ﺳﻄﺤﯽ ﭘﻮﺭﯼ ﻧﻈﺮ ﺁ ﺟﺎﺗﯽ ﮨﮯ۔
ﺍﻥ ﻏﯿﺮ ﺟﺎﻧﺒﺪﺍﺭ ﺷﮩﺎﺩﺗﻮﮞ ﺳﮯ ﯾﮧ ﺑﺎﺕ ﭘﻮﺭﯼ ﻃﺮﺡ ﮐﮭﻞ ﺟﺎﺗﯽ ﮨﮯ ﮐﮧ ﻣﻮﻻﻧﺎ ﺍﺣﻤﺪ ﺭﺿﺎ ﺧﺎﮞ ﻋﻠﻤﯽ ﻣﯿﺪﺍﻥ ﮐﮯ ﺁﺩﻣﯽ ﻧﮧ ﺗﮭﮯ ﺍﻭﺭ ﮐﺒﮭﯽ ﮐﺴﯽ ﻋﻠﻤﯽ ﻣﻌﺮﮐﮧ ﻣﯿﮟ ﻧﮩﯿﮟ ﺩﯾﮑﮭﮯ ﮔﺌﮯ۔
No comments:
Post a Comment