Wahdatul Wujood aur Shah Waliullah Rh. aur Unke Khandaan ka Nazariya Part 2.
Sanad e hind Imam al Hafiz ul Muhaddis Shah Wali ullah Dehelwi Rh. aur Aap Rh. ke Khandaan se Wahdatul Wujood ka Saboot :
1 – Hazrat Shah Wali ullah Muhaddis Dehelwi Rh. Al Mutawaffa 1176 Hij. Farmaate hai ke
Pehle Nazariya Wahdatul Wujood Kehlaata hai aur dusra Wahdatul Shuhood aur HAMAARE NAZDEEK YEH DONO SAHEEH HAI aur KASHF Se Saabit hai.
(Faisla Wahdatul Wujood wa Shuhood Al Ma’aruf Maktoob Al Madni : Safa 7)
Scan Page :
Hazrat Ek aur Maqaam par Wahdatul Wujood ko Saabit Karte huwe Farmaate hai ke
‘ Toh Is Qadar Wahdatul Wujood Saabit hai AQAL ki Ruh se aur KASHF se’.
(Faisala Wahdatul Wujood : Safa 18)
Aur Hazrat Maulana Abul Kalaam Azaad Rh. Likhte hai ke
Shah Wali ullah Muhaddis Dehelwi Rh. ne toh Yaha tak Likha hai ke Agar Mai Masla e Wahdatul Wujood ko Saabit Karna Chaahu, Toh Quraan wa Hadees ke Tamaam Nusoos wa Zawaahir se Iska Isbaat Karsakta hu.
(Tarjumaan ul Quraan : Jild 1 : Safa 172)
Scan Page :
aur Maulana Abul Kalaam Azad Rh. ko Ghair Muqallideen Ahlehadees Ulama ne Apna Aalim Bataaya hai, Yaani unko Ahlehadees Aalim Qaraar diya hai.
Dekhiye,
Aur Yaad Rahe Shah wali ullah Rh. ke bare me Ghair Muqallid Ahlehadees Qazi Md Aslam Saif Sahaab Likhte hai ke
Wo [Shah Wali ullah Rh.] Har Mu-aamle ko Kitaab wa Sunnat ke Meyaar par Jaachne ke qaayil the.
Kitaab wa sunnat se Ba-raaye Raast Istefaade ke Haamil the.
Aur Aage Likhte hai ke wo MUQALLID HARGHIZ HARGHIZ NA the.
(Tehreek Ahlehadees Taarekh ke Aaine me : Safa 207)
Scan Page :
Yaani Qazi Sahaab ki Tehqeeq ke Mutaabiq Shah Sahaab Rh. Ahlehadees the.
Mazeed Qazi Sahaab Aapko ‘HUJJAT ULLAHI FIL ARZ’ [Yaani Shah Wali ullah Rh. ko Zameen me ALLAH ki Hujjat] bhi Qaraar diya hai.
(Tehreek e Ahlehadees : Safa 181)
Scan Page :
Aur Badi Uddin Shah Raashdi sahaab ne Kitaab Hadiyatul Mustafid ke Muqaddame me Shah Wali Ullah Sahaab Rh. ko TAUHEED KE MUHAAFIZO me Shumaar kiya hai :
(Hadiyatul Mustafid : Muqaddama : Jild 1 : Safa 39-69)
Scan Page :
Maloom huwa ke ghair Muqallideen ke Hazrat Shah Wali ullah Rh. Tauheed ke Muhaafiz hai.
Ghair Muqallideen ke Ameer Ismail Salafi Sahaab Likhte hai ke
‘Lekin Shah Sahaab FUQAAHA E AHLE HADEES ki Raah ko ZYAADA PASAND FARMAATE HAI’.
(Tehreek e Azaadi e Fikr : Safa 65)
Scan Page :
Mazeed Shah Sahaab Rh. ko HAKEEM UL UMMAT AUR MUJADID bhi Qaraar diya hai.
(Tehreek e Azaadi e Fikr : Safa 112)
Scan Page :
Ghair Muqallideed ke Imam ul Asr, Ibrahim Sialkoti Rh. Farmaate hai ke Aap Bilaa Ikhtelaaf 12vi Sadi ke MUJADID the, Neez Nawaab Sahaab ke Hawaale se Unhe IMAM UL AIMMA AUR TAAJ UL MUJTAHIDEEN Qaraar diya hai. (Taarekh e Ahlehadees : Safa 462)
Scan Page :
Balke Ghair Muqallideen ke Nazdeek Shah Wali ullah Rh. ka Itna Bada Maqaam hai ke Unke Munaazir Sanaullah Amritsari Ghair Muqallid Likhte hai ke
‘Jo Shaks Shah waliullah Rh. ko Bura Kahe, wo FAASIQ hai’. (Fataawa Sanaaiya : Jild 2 : Safa 68)
Aur Ahlehadees Aalim Maulana Abdul Majeed Sohadarwi Sahaab Rh. Farmaate hai ke
SHAH WALI ULLAH MUHADDIS DEHELWI RH., SHAH ISMAAIL SHAHEED RH. AISE AKAABIR UMMAT NE TAUHEED E ILAAHI KE AHYA aur KITAAB WA SUNNAT ke Baqaa ki Taraf Tawajjo e Mabzool Farmaayi thi.
(Seerat e Sanaayi : Safa 300)
Scan Page :
Neez Irshaad ul Asri ne Apni Kitaab AHLEHADEES ki Khidmaat e Hadees : Safa 69 me aur
Ishaq Bhatti ne Barr e Sagheer me AHLEHADEES ki Aamad : Safa 161 me Shah wali ullah Sahaab Rh. ka Tafseel se zikr kiya, Jisse Maloom hota hai ke In Sab Hazraat ke Nazdeek Shah wali ullah Ahle-hadees aur Akaabir e Ahlehadees me se hai.
Algarz Maloom huwa ke AHLEHADEESO KE NAZDEEK Shah wali ullah Sahaab Rh. AHLEHADEES HI NAHI, Balke ‘Hujjatul aahi Fil Arz, Hakeem ul Ummat, Mujadid, Imam ul Aimma, Taaj ul Mujatahideen, Kitaab wa Sunnat par Chalne waale aur Uske Isha’at Karne waale the’.
Jab Ulama e Deoband Wahdatul Wujood ko Saheeh Tasleem Karne ki Wajeh se Kaafir hai,
Ahlehadees Hazraat Ab Bataaye, ke Aapke Shah wali ullah Sahaab Rh. bhi Wahdatul Wujood ko Saheeh Tasleem Karne ki Wajeh se Kaafir hai ya Nahi ?
2 – Hazrat Shah Wali ullah Muhaddis Dehelwi Rh. ke Bade Bete Hazrat Shah Abdul Aziz Dehelwi Rh. Al Mutawaffa 1239 Hij. Farmaate hai ke Masla Wahdatul Wujood Haq hai aur Mutaabiq Waqai hai, Is Waaste ke Dalaail e Aqliya wa Naqliya se Saabit hai.
(Fataawa Azizi : Safa 147-148)
Scan Page :
Ek aur Maqaam par Unhone Wahdatul Wujood ko SAHEEH Qaraar diya hai.
(Fataawa Azizi : Safa 143)
Scan Page :
Ek Maqaam Shah Sahaab Rh. Tehreer Farmaate hai ke
Yeh (Wahdatul Wujood) Amr Fii Nafsihi Saheeh hai aur HAQ hai aur Kisi Tarah Khilaaf e Shariyat Nahi. (Fataawa Azizi : Safa 141)
Scan Page :
Aur Jo Hazraat Wahdatul Wujood ko Hulool ka Aqeeda Qaraar dete hai, Unki Tambeeh Karte huwe, Farmaate hai ke
‘Alar Raghm Manhaj ul Haq (Jo ke Kitaab ka Naam hai, Us) Kitaab me Aqeeda e Hulool ko Sufiya e Ahle Sunnat ki Taraf Mansoob kardiya hai.
Halaanke Yeh Hazraat e Ahlehaq Toh Hulool ka aqeeda Rakhne waale ko Kaafir qaraar dete hai aur
Daraasal Yeh Saari Kharaabi aur Jahel aur Kalaam na Samjhne ke Sabab se hai.
Usne Wahdatul Wujood se DHOKHA Khaaya aur Usko na Samjh Sakne ki Wajeh se Use Hulool par Mehmool Kar-baitha.
(Tohfa e Isna Ashriya : Safa 283)
Scan Page :
Aur Shah Abdul Aziz Rh. ke bare me Ahlehadees Aalim Ibrahim Sialkoti Sahaab Rh. Farmaate hai ke
Aap Hindustan Bhar me Ustaad ul Asaateza, Khaatim ul Mufassireen wal Muhaddiseen the. Aur Aapko Ulama e Ahlehadees ki Taarekh me Shumaar kiya hai. (Taarekh e Ahlehadees : Safa 417)
Scan Page :
Ahlehadees Aalim Qazi Muhammed Aslam Saif Sahaab Kehte hai ke Shah Abdul Aziz Rh. Fikr e Wali-ul-Ilaahi ke Tarjumaan the.
(Tehreek e Ahlehadees : Safa 228)
Scan Page :
Ghair Muqallid Aalim Abdul Qaadir Roopdi Sahaab Farmaate hai ke Ahlehadees Jamaat me aise aise Khateeb Paida huwe, Jinhone Apni Khitaabat ke Zariye Logo ke dilo ko Hala Kar-rakhdiya, Shah Abdul Aziz Muhaddis Dehelwi, Shah Ismaail Shaheed Dehelwi Isi Tarah Buland paaya Khateeb The.
(Khutbaat e Roopdi)
Ahlehadees Aalim Maulana Abdur Rasheed Sahaab ne Shah Abdul Aziz Rh. ko Kitaab wa Sunnat ki Isha’at karne waale Qaraar diya hai. (Aqeeda e Ahlehadees Muqaddama : Safa 11)
Scan Page :
Ahlehadees Aalim Badiuddin Shah Raashdi Sahaab Aqeeda e Tauheed me Ulama e Salaf wa Ahlehadees ki Khidmaat me Shah Abdul Aziz Muhaddis Dehelwi Rh. ko Shumaar karke unhe ahlehadees Tasleem kiya, Mazeed Unhe Shah, Muhaddis e Hind aur Imam Qaraar diya hai.
(Aqeeda e Tauheed aur Ulama e Salaf ki Khidmaat : Safa 68)
Scan Page :
Ab Dekhna hai, Wahdatul Wujood ko Kufr Kehne Waale, Apne hi Khaatim ul Mufassireen wal Muhaddiseen, Wali ul Ilaahi ke Tarjumaan, Kitaab wa Sunnat ki Isha’at Karne waale, Ahlehadees Khateeb aur Imam, Muhaddis e Hind par Kya Fatwe Dete hai.
3 – Shah Wali ullah Rh. ke Ek aur Bete Hazrat Shah Rafii uddin Muhaddis Dehelwi Rh. Al Mutawaffa 1230 Hij. Wahdatul Wujood ke bare me Saaf Taur se Likhte hai ke
Yeh Masla Kitaab wa Sunnat se SAABIT Hai. (Damaghul Baatil : Safa 105)
Scan Page :
Aage chalkar Farmaate hai ke
HAQ Is baab me Wahdatul Wujood KE QAUL KO IKHTIYAAR KARNA HAI.
(Damaghul Baatil : Safa 135)
Scan Page :
Balke Saraahat ke saat Likhte hai ke
‘DAR-HAQEEQAT YEH MASLA TAUHEED E IMAANI HAI.
(Damaghul Baatil : Safa 135)
Scan Page :
Aur Shah Rafi Uddin ke bare me Ahlehadees Tarjumaan Maulana Ibrahim Sialkoti Rh. Aapko Ulama e Ahlehadees ki Taarekh me Shumaar karte huwe Farmaate hai ke Aap [Shah Rafi uddin] Rh. Uloom e Deeniya aur Funoon e Aqaliya me Marhaj e Arbaab e Istedaad the.
Aur Aage Farmaate hai ke Aap nihaayat e Alaa Paaye ke Muhaqiq the.
(Taarekh e Ahlehadees : Safa 465)
Scan Page :
Ahlehadees Aalim Maulana Abdur Rasheed Sahaab ne Shah
Rafi Uddin Muhaddis Dehelwi Rh. ko Kitaab wa Sunnat ki Isha’at karne waala Qaraar diya hai, Yaani AHLEHADEES Qaraar diya hai. (Aqeeda e Ahlehadees Muqaddama : Safa 11)
Scan Page :
Ghair Muqallid Qazi Aslam Saif Sahaab Likhte hai ke Amal bil Kitaab Bis Sunnah ke Aitebaar se Aap Bahut Be-Laag the.
(Tehreek e Ahlehadees : Safa 231)
Scan Page :
Ahlehadees Hazraat ! Aap ne Muhaqiq, Kitaab wa Sunnat ke parchaarak aur Kitaab wa Sunnat Amal karne waale Ahlehadees Aalim ko Kaafir Kehte hai ya Nahi ?
4 – Shah Wali ullah Rh. ke Khandaan ke Ek aur Chiraagh Hazrat Shah Ismaail Shaheed Rh. Al Mutawaffa 1246 Hij. Wahdatul Wujood ke bare Farmaate hai ke
Masla e Wahdatul Wujood ke Mutalliq Aam Taur se Yeh Mashoor kiya gaya hai ke Is Aqeede ke Maanne Waale Kehte hai ke Khaaliq hi Makhlooq hai aur Makhlooq hi Khaaliq hai, Yaani Zaatan Ek hi hai.
Yeh Ghalat hai.
(Al Abqaat : Safa 65)
Scan Page :
Mazeed Yahi Kitaab ‘Al Abqaat’ me Hazrat Shah Ismaail Sahaab Rh. ne Jagah Jagah Wahdatul Wujood ki Tashreeh ki aur Uske Saheeh Mafhoom ko Waazeh karne karne ke Saat Saat Ibn ul Arabi Rh. ke Maslak ki bhi Wazaahat ki hai.
(Al Abqaat : Safa 87)
Scan Page :
Aur shah Ismaail Shaheed Rh. ke bare Ahlehadees Hazraat ke Munaazir Sanaullah Amritsari Sahaab Farmaate hai ke ‘PAKKE Ahlehadees The’.
(Fataawa Sanaaiya : Jild 1 : Safa 381)
Scan Page :
Ghair Muqallideen ke Muhaqiq Maulana Irshaad ul Haq Asri Sahaab Likhte hai ke
Shah Ismaail Shaheed ne Sunnat aur Amal bil Hadees ki Amalan Takmeel ki.
(Ulama e Ahlehadees ki Khidmaat e Hadees : Safa 27)
Scan Page :
Qazi Muhammed Aslam Saif Sahaab Likhte hai ke
Shah Ismaail ne HADEES KA WO FAIZAAN AAM KIYA ke Be-Hijabaana, Be-Baikaana Taur Amal bil Hadees ka Parcham buland kiya.
(Tehreek e Ahlehadees : Safa 231)
Scan Page :
Yaani wo Ahlehadees hi The, Tab hi Unki Takmeel ki.
Ameer e Ahlehadees Maulana Ibrahim Sialkoti Sahaab Rh. Farmaate hai ke
Aap Ameer e Deen wa Fuqaaha e Muftiyeen aur Buland Paaye Muhaddiseen me se huwe hai.
Aage Likhte hai ke Maulana Shaheed Rh. ke baad Unki Tarz ka Koi Aalim Paida NAHI huwa.
(Taarekh e Ahlehadees : Safa 466, 469)
Scan Page :
Ghair Muqallideen ke Shaykh ul Arab wal Ajab, Badi uddin Shah Raashdi ne Shah Ismaail Shaheed Rh. ko ‘Imam ul Haq, Fareed ul Asr, Waheed ud Dahr, Al Mujahid Al Alaaye Kalimatullah, Shaheed Fee Sabeelullah’ Waghaira Qarar diya hai.
(Hadiyatul Mustafid Muqaddamma : Safa 70)
Scan Page :
Ghair Muqallid Aalim Abdul Qaadir Roopdi Sahaab Farmaate hai ke Jamaat AHLEHADEES me aise aise Khateeb Paida huwe, Jinhone Apni Khitaabat ke Zariye Logo ke dilo ko Hala Kar-rakhdiya, Shah Abdul Aziz Muhaddis Dehelwi, Shah Ismaail Shaheed Dehelwi Isi Tarah Buland paaya Khateeb The.
(Khutbaat e Roopdi)
Aur Ahlehadees Aalim Maulana Abdul Majeed Sohadarwi Sahaab Rh. Farmaate hai ke
Shah Wali Ullah Muhaddis Dehelwi Rh., SHAH ISMAAIL SHAHEED RH. AISE AKAABIR UMMAT NE TAUHEED E ILAAHI KE AHYA aur KITAAB WA SUNNAT ke Baqaa ki Taraf Tawajjo e Mabzool Farmaayi thi.
(Seerat e Sanaayi : Safa 300)
Hazraat ! Jo Log Shah Ismaail Shaheed Rh. ko Pakka Ahlehadees Maante hai, Unhone toh puri Saaf Taur se Likha hai ke Wahdatul Wujood ka Ma’ane me Log se Ghalati huwi hai.
Jis Aalim ki Kitaab Aaj Puri Dunya e ghair Muqallidiyat Chaapti hai [Taqwiyatul Imaan], Usi Aalim ne Na Sirf Wahdatul Wujood ke Mutalliq Ghalat Fehmiyo ka Izaala kiya, Balke Ibn e Arabi Rh. ke Maslak ki bhi Wazaahat ki hai.
Toh Wahdatul Wujood aur Ibn e Arabi ke Difa ke baad, Kya Ulama e Ahlehadees ke Nazdeek, Shah Ismaail Shaheed Rh. Ab-bhi Musalmaan aur Naik wa Saaleh Paraisgaar hai ??
Jabke Wahdatul Wujood ka Aqeedah Ghair Muqallideen aur Ahlehadeeso ke Nazdeek Kufriya Aqeedah ??
Algarz Ghair Muqallideen Ahlehadees Hazraat se Guzaarish hai ke Aap Haq aur Insaaf ke Saat Faisla Farmaaye !!
Note :
Bahez Shah Wali ullah Sahaab Rh. aur Unke Khandaan ke Maslak par NAHI Horahi hai ke Kya wo Waqai Ahlehadees The ya Nahi, Balke Is par Horahi hai ke Jab Unko Ahlehadees Ulama ne Apna Aalim aur Akaabir Tasleem kiya hai,
Toh, Maujuda Ahlehadees Hazraat JAWAAB De.
Ke Ahlehadees Ulama ki Shahaadat ki Rooshni me Aap Apne Ulama par Kufr ka Fatwa desakte hai, Kyunke Aapke Nazdeek Wahdatul Wujood ka Aqeeda, Kufriya Aqeeda hai.
No comments:
Post a Comment