🔴 * ﺟﺸﻦ ﻋﯿﺪ ﻣﯿﻼﺩ ﺍﻟﻨﺒﯽ ﮐﮯ ﺩﻻﺋﻞ ﮐﺎ ﻋﻠﻤﯽ ﺟﺎﺋﺰﮦ
ﺩﻟﯿﻞ : ﻭﺍﺫ ﺍﺧﺬ ﺍﻟﻠﮧ ﻣﯿﺜﺎ ﻕ ﺍﻟﻨﺒﯿﯿﻦ ﻟﻤﺎ ﺍﺗﯿﺘﮑﻢ ﻣﻦ ﮐﺘﺐ ﻭ ﺣﮑﻤۃ ﺛﻢ ﺟﺎﺋﮑﻢ ﺭﺳﻮﻝ ﻣﺼﺪﻕ ﻟﻤﺎ ﻣﻌﮑﻢ ۔۔ﺍﻵﯾۃ
( ﺁﻝ ﻋﻤﺮﺍﻥ ۔۸۱۔۸۲ )
ﺩﯾﮑﮭﻮ ﺧﻮﺩ ﺭﺏ ﺗﻌﺎﻟﯽ ﻧﺒﯽ ﮐﺮﯾﻢﷺ ﮐﺎ ﻣﯿﻼﺩ ﻣﻨﺎﺭﮨﺎ ﮨﮯ ﺗﻮ ﮨﻢ ﮐﯿﻮﮞ ﻧﮧ ﻣﻨﺎﺋﯿﮟ؟
🔮 ﺟﻮﺍﺏ : 🔹 ( ١ ) ﻣﻮﻟﻮﯼ ﺻﺎﺣﺐ ﺧﺪﺍ ﮐﺎ ﺧﻮﻑ ﮐﺮﻭ ﺗﺮﺟﻤﮧ ﻣﯿﮟ ﺗﺤﺮﯾﻒ ﻧﮧ ﮐﺮﻭ۔ ﺍﺱ ﺁﯾﺖ ﮐﻮ ﭘﮍﮪ ﮐﺮ ﮐﯿﺎ ﻧﺒﯽ ﮐﺮﯾﻢ ﷺ ﻧﮯ ﺍﺱ ﮐﺎ ﻭﮨﯽ ﻣﻄﻠﺐ ﺳﻤﺠﮭﺎ ﺟﻮ ﺗﻢ ﺳﻤﺠﮫ ﺭﮨﮯ ﮨﻮ ؟ ﺍﺱ ﺁﯾﺖ ﮐﻮ ﭘﮍﮪ ﮐﺮ ﮐﯿﺎ ﺻﺤﺎﺑﮧ ﮨﺮ ﺳﺎﻝ ﺍﺳﯽ ﻃﺮﺡ ﺟﺸﻦ ﻣﯿﻼﺩ ﻣﻨﺎﺗﮯ ﺗﮭﮯ؟ ﺍﻟﻠﮧ ﮐﮯ ﺭﺳﻮﻝ ﷺ ﮐﯽ ﺣﺪﯾﺚ ﺍﻥ ﮐﮯ ﺻﺤﺎﺑﯽ ﮐﺎ ﻗﻮﻝ ﯾﺎ ﮐﺴﯽ ﻣﺴﺘﻨﺪ ﺗﻔﺴﯿﺮ ﮐﺎ ﺣﻮﺍﻟﮧ ﭘﯿﺶ ﮐﺮﻭ ﮐﮧ ﺍﺱ ﺁﯾﺖ ﮐﺎ ﻣﻄﻠﺐ ﺍﻥ ﮨﺴﺘﯿﻮﮞ ﻧﮯ ﻭﮨﯽ ﺑﯿﺎﻥ ﮐﯿﺎ ﮨﮯ ﺟﻮ ﺗﻢ ﮐﺮﺭﮨﮯ ﮨﻮ۔
🔹 ( ۲ ) ﺿﺮﻭﺭﯼ ﻧﮩﯿﮟ ﮐﮧ ﺟﻮ ﮐﺎﻡ ﺍﻟﻠﮧ ﮐﺮﮮ ﻭﮦ ﮨﻢ ﺑﮭﯽ ﮐﺮﯾﮟ ﺍﻟﻠﮧ ﺟﺴﮯ ﭼﺎﮨﮯ ﺯﻧﺪﮔﯽ ﺩﮮ ﺟﺴﮯ ﭼﺎﮨﮯ ﻣﻮﺕ ﺩﮮ ﺟﺲ ﺑﺴﺘﯽ ﮐﻮ ﭼﺎﮨﮯ ﺑﺮﺑﺎﺩ ﮐﺮﺩﮮ ﺗﻮ ﮐﯿﺎ ﮐﻞ ﮐﻮ ﺗﻢ ﺑﮭﯽ ﻟﻮﮔﻮﮞ ﮐﻮ ﻣﺎﺭﻧﺎ ﻗﺘﻞ ﻭ ﻏﺎﺭﺕ ﮔﺮﯼ ﮐﺮﻧﺎﺷﺮﻭﻉ ﮐﺮﺩﻭ ﮔﮯ ؟ﯾﮧ ﮐﮩﮧ ﮐﺮ ﮐﮧ ﺍﻟﻠﮧ ﺑﮭﯽ ﺗﻮ ﯾﮧ ﺳﺐ ﮐﺮﺭﮨﺎ ﮨﮯ ﮨﻢ ﺗﻮ ﺳﻨﺖ ﺍﻟﻠﮧ ﭘﺮ ﻋﻤﻞ ﮐﺮﺭﮨﮯ ﮨﯿﮟ ۔ﻣﻌﺎﺫ ﺍﻟﻠﮧ۔
🔹 ( ۳ ) ﻗﺮﺁﻥ ﻣﯿﮟ ﯾﮧ ﺑﮭﯽ ﺗﻮ ﺁﺗﺎ ﮨﮯ :
ﻭ ﺍﺫﺍﺧﺬ ﺭﺑﮏ ﻣﻦ ﺑﻨﯽ ﺁﺩﻡ ﻣﻦ ﻇﮭﻮﺭﮬﻢ ﻭ ﺫﺭﯾﺘﮭﻢ ﻭ ﺍﺷﮭﺪﮬﻢ ﻋﻠﯽ ﺍﻧﻔﺴﮭﻢ ﺍﻟﺴﺖ ﺑﺮﺑﮑﻢ ﻗﺎﻟﻮﺍ ﺑﻠﯽ
( ﺍﻋﺮﺍﻑ ۔ﺁﯾﺖ ۱۷۲ )
ﯾﻌﻨﯽ ﺍﻭﺭ ( ﻭﮦ ﻭﻗﺖ ﯾﺎﺩ ﮐﺮﻭ ) ﺟﺐ ﺗﻤﮩﺎﺭﮮ ﭘﺮﻭﺭﺩﮔﺎﺭ ﻧﮯ ﺑﻨﯽ ﺁﺩﻡ ﮐﯽ ﭘﺸﺘﻮﮞ ﺳﮯ ﺍﻥ ﮐﯽ ﻧﺴﻞ ﮐﻮ ﻧﮑﺎﻻ ( ﺟﻮ ﻧﺴﻼً ﺑﻌﺪ ﻧﺴﻞ ﭘﯿﺪﺍ ﮨﻮﻧﮯ ﻭﺍﻟﯽ ﺗﮭﯽ ) ﺍﻭﺭ ﺍﻥ ﮐﻮ ﺧﻮﺩ ﺍﻥ ﮐﮯ ﺍﻭﭘﺮ ﮔﻮﺍﮦ ﺑﻨﺎﺗﮯ ﮨﻮﺋﮯ ﭘﻮﭼﮭﺎ ﮐﯿﺎ ﻣﯿﮟ ﺗﻤﮩﺎﺭﺍ ﭘﺮﻭﺭﺩﮔﺎﺭ ﻧﮩﯿﮟ ﮨﻮﮞ؟ ﺳﺐ ﻧﮯ ﺟﻮﺍﺏ ﺩﯾﺎ ﮨﺎﮞ ﺑﮯ ﺷﮏ ﮨﻢ ﮔﻮﺍﮨﯽ ﺩﯾﺘﮯ ﮨﯿﮟ ﮐﮧ ﺗﻮ ﮨﻤﺎﺭﺍ ﭘﺮﻭﺭﺩﮔﺎﺭ ﮨﮯ
ﺗﻮ ﭼﺎﮨﺌﮯ ﮐﮧ ﺍﺱ ﺁﯾﺖ ﮐﯽ ﺭﻭ ﺳﮯ ﺗﻤﺎﻡ ﺑﻨﯽ ﺁﺩﻡ ﺍﻭﺭ ﺍﻥ ﮐﯽ ﺫﺭﯾﺖ ﮐﺎ ﻣﯿﻼﺩ ﻣﻨﺎﺅ۔
🔹 ( ۴ ) ﺍﯾﮏ ﻃﺮﻑ ﺗﻮ ﮐﮩﺘﮯ ﮨﻮﮐﮧ ﻧﺒﯽ ﮐﺮﯾﻢ ﷺ ﮐﯽ ﻣﯿﻼﺩ ﺍﻥ ﮐﯽ ﭘﯿﺪﺍﺋﺶ ﮐﯽ ﺧﻮﺷﯽ ﻣﯿﮟ ﻣﻨﺎﺭﮨﮯ ﮨﯿﮟ ﺩﻭﺳﺮﯼ ﻃﺮﻑ ﺁﯾﺖ ﻭﮦ ﭘﯿﺶ ﮐﺮﺭﮨﮯ ﮨﻮ ﺟﺲ ﻣﯿﮟ ﻧﺒﯽ ﮐﺮﯾﻢ ﷺ ﮐﯽ ﭘﯿﺪﺍﺋﺶ ﺗﻮ ﺫﮐﺮ ﺗﻮ ﮐﯿﺎ ﺁﭖ ﷺ ﺧﻮﺩ ﺍﺑﮭﯽ ﭘﯿﺪﺍ ﻧﮩﯿﮟ ﮨﻮﺋﮯ ﺗﮭﮯ ﯾﮧ ﺗﻮ ﻋﺎﻟﻢ ﺍﺭﻭﺍﺡ ﮐﺎ ﺫﮐﺮ ﮨﻮﺭﮨﺎ ﮨﮯ ﭘﮭﺮ ﺗﻮ ﻣﯿﻼﺩ ﺳﮯ ﭘﮩﻠﮯ ﺟﺸﻦ ﻋﺎﻟﻢ ﺍﺭﻭﺍﺡ ﺍﻭﺭ ﺟﺸﻦ ﻣﯿﺜﺎﻕ ﻣﻨﺎﺅ۔
🔹 ( ۵ ) ﮐﯿﺎ ﺍﻟﻠﮧ ﺭﺏ ﺍﻟﻌﺰﺕ ﺟﺐ ﻣﯿﻼﺩ ﻣﻨﺎﺭﮨﺎ ﺗﮭﺎ ﻣﻌﺎﺫ ﺍﻟﻠﮧ ﺗﻮ ﺍﺳﯽ ﻃﺮﺡ ﻣﻨﺎﯾﺎ ﺗﮭﺎ ﺟﺲ ﻃﺮﺡ ﺗﻢ ﻧﮯ ﻣﻨﺎﯾﺎ؟ ﮐﯿﺎ ﻋﺎﻟﻢ ﺍﺭﻭﺍﺡ ﻣﯿﮟ ﺳﺒﺰ ﺭﻧﮓ ﮐﯽ ﻧﻌﻠﯿﻦ ﮐﮯ ﻧﻘﺶ ﻭﺍﻟﯽ ﺟﮭﻨﮉﯾﺎﮞ ﻟﮕﺎﺋﯽ ﮔﺌﯿﮟ؟ ﻋﺎﻟﻢ ﺍﺭﻭﺍﺡ ﮐﮯ ﺗﻤﺎﻡ ﺭﺍﺳﺘﮯ ﺑﻼﮎ ﮐﺌﮯ ﮔﺌﮯ ؟ ﻭﮨﺎﮞ ﺟﻠﻮﺱ ﻧﮑﺎﻻ ﮔﯿﺎ ، ﻭﮨﺎﮞ ﮐﮯ ﺟﻠﺴﮯ ﻣﯿﮟ ﻣﺨﺎﻟﻔﯿﻦ ﮐﻮ ﻣﻨﮧ ﺑﮭﺮ ﮐﺮ ﮔﺎﻟﯿﺎﮞ، ﺳﺐ ﻭ ﺷﺘﻢ ﮐﯿﺎ ﮔﯿﺎ؟ ﮐﯿﮏ ﮐﺎﭨﮯ ﮔﺌﮯ؟ ﻣﺎﮈﻟﺰ ﻟﮕﺎﺋﮯ ﮔﺌﮯ؟ ﮨﺮ ﺳﺎﻝ ﺍﺱ ﻣﯿﻼﺩ ﮐﺎ ﺍﺳﯽ ﻃﺮﺡ ﺍﻋﺎﺩﮦ ﮐﯿﺎ ﺟﺎﺗﺎ ؟ ﺍﮔﺮ ﻧﮩﯿﮟ ﺍﻭﺭ ﯾﻘﯿﻨﺎ ًﻧﮩﯿﮟ ﺗﻮ ﺗﻢ ﯾﮧ ﺳﺐ ﺧﺮﺍﻓﺎﺕ ﮐﯿﻮﮞ ﮐﺮﺗﮯ ﮨﻮ؟ ﭘﮭﺮ ﺟﺲ ﻃﺮﺡ ﺍﻟﻠﮧ ﻧﮯ ﻣﻨﺎﯾﺎ ﺍﺳﯽ ﻃﺮﺡ ﻣﻨﺎﺅ ﻧﺎ۔
No comments:
Post a Comment