( Rafe-yadain Par Naiki Milne Waali Riwayat Ka Jayeza)

Zubair Sahaab Ne Apni Kitaab Ke Paanchwe Baab Par Yeh Heading Daali Hai.

“ Rafe-Yadain Karna Zaroori Hai “ Aur Is Me Rafe-Yadain Karne Par Naiki Milne Ki Riwayat Pesh Ki Hai.

Wo Riwayat Yeh Hai Ke

Imam Tabraani Rh. Farmaate Hai :

Sayyidina Uqba Bin Aamir Rdh. Ne Farmaaya : Namaz Me Jo Shaks Ishaara Karta Hai Use Har (Masnoon) Ishaare Ke Badle Ek Ungli Par Ek Naiki Ya Darja Milta Hai. (Mu-jjam Ul Kabeer : 297 / 17 , Hadees No 819 – Sanad E Hasan) (Nurul Aainain : 182)

Al-Jawaab no 1 :

Is Hadees Ki Sanad Me Abdullah Bin Lahiyaa Hai Jiska Ta’aroof Darj E Zail Hai.

1 – Imam Muslim Rh. Farmaate Hai Ke

2 – Imam Mehdi Rh. Aur

3 – Yahiya Bin Saeed Rh. Aur

4 – Wakii Rh. Ne Use Riwayat Bilkul Tark Kardi Thi.

Scan Page :

5 – Imam Abu Haakim Rh. Zaahib ul Hadees Kehte Hai.

Scan Page :

6 – Imam Ibn Hibban Rh. Unki Riwayat Ko Waajib Ul Tark Kehte Hai.

Scan Page :

7 – Imam Ibn Sa’ad Rh. Kehte Hai Ke Wo Zaeef Hai.

Scan Page :

8 – Imam Abu Zara’a Rh. Ka Bayaan Ke Wo Sahaab E Zabt Na The.

Scan Page :

9 – Imam Nasaai rh. Kehte Hai ke Wo siqa nahi hai.

Scan Page :

10 – Imam Abu Haatim Rh. Kehte Hai Ke Unki Riwayat Hujjat Nahi Hosakti.

11 – Imam Ibn Qutaiba Rh. Bhi Unki Ta’azeef Karte Hai.

Scan Page :

12 – Khateeb Al Baghdadi Rh. Kehte Hai Ke Wo Mutaasahil Ki Wajeh Se Kasrat E Munaakeer Ka Shikaar Hogaye The.

Scan Page :

13 – Imam Ibn Maeen Rh. Farmaate Hai Ke Unki Hadees Se Aitejaaj Sahi Nahi Hai.

Scan Page :

(Tamaam 13 Hawaalo Ke Liye Dekhe : Tehzeeb Ut Tehzeeb : Jild 5 :Safa 378-379)

14 – Imam Tirmizi Rh. Farmaate Hai Ke Wo Zaeef Hai. (Tirmizi : Jild 1 :Safa 3)

Scan Page :

15 – Azeemabadi Ghair Muqallid Ne Ibn Lahiyaa Se Riwayat Karne Waale Abdullah Bin Wahab Aur Abdullah Bin Muslima Ki Riwayat Ko Zaeef Qaraar Diya. (Bahawala : Qurratul Aainain : Safa 162)

16 – Mubarakpuri Sahaab Farmaate Hai Ke Imam E Fan Yahiya Bin Maeen Rh. Ne Farmaaya Ke Ibn Lahiyaa Ki Kitaabe Jalne Se Pehle Aur Jalne Ke Baad Uski Riwayat Ka Koi Aitebaar Nahi. (Abkaar Ul Minan : 31)

Scan Page :

17 – Abdur Rehman Bin Abi Haatim Rh. Ne Apni Baab Abu Haatim Rh. Se Pucha Ke Jab Abdullah Bin Mubarak Jaisa Shaks Ibn Lahiyaa Se Riwayat Kare Toh Kya Ibn Lahiyaa Hujjat Hai.

Toh Inhone Farmaaya Ke Nahi. (Tehzeeb Ut Tehzeeb : Jild 5 : Safa 379)

Scan Page :

18 – Hafiz Ibn Hajr Rh. Farmaate Hai Ke Jab Ibn Lahiyaa Ke Zaeef Ki Baat Puqta Hogayi Toh Ibn Lahiyaa Se Hujjat Na Pakdi Jaaye , Jab Riwayat Me Akela Ho Pas Kis Tarah Hujjat Pakdi Jaasakti Hai Jabke Muqalifat Kare. (Fathul Baari : Jild 2 : Safa 253)

Scan Page :

19 – Albaani Sahaab Ne Bhi Uski Riwayat Ko Zaeef Kaha Hai. (Tirmizi , Ba-Tehqeeq Albaani : 14)

Scan Page :

Lehaaza Itni Kadi Aur Saqt Jara Ke Muqaamle Me Zubair Sahaab Ka Is Riwayat Se Istedlaal Baatil Aur Mardood Hai.

Al-Jawaab No 2 :

Is Riwayat Ki Sanad Me Mashroo Bin Lahiyaaan Bhi Hai.

Agar Che Muhaddiseen Ne Uski Tauseeq Ki Hai Lekin Iske Bawajood Bhi

1 – Imam Ibn Hibban Rh. Uske Bare Me Farmaate Hai Ke “Hazrat Uqba Bin Aamir Se Yeh Raawi Munkir Riwayat Naql Karta Hai Jiski Koi Dusra Raavi Muwaafiqat Nahi Karta Aur Durust Amal Yeh Hai Ke Jab Riwayaat Me Munfarid Aur Akeela Ho Usko Qaabil E Qubool Na Kiya Jaaye Aur Usko Qubool Kiya Jaaye Jo Siqa Raaviyo Ki Riwayat Ke Muwafiq Ho.

(Kitaab Al Majruheen : Jild 3 : Safa 28 , Mizaan Ul Aitedaal : Jild 4 : Safa 117)

Scan Page : Kitaab Al Majruheen

Scan Page :  Mizaan Ul Aitedaal

2 – Imam Ibn Jauzi Ne Bhi Is Raavi Ko Apni Kitaab (Az-Zuaafa Wal Matrookin : Jild 3 : Safa 121 ) Me Zikr Kiya Hai.

Scan Page :

3 – Imam Uqaili Rh. Ne Bhi Is Raavi Ko (Zuaafa E Kabeer : Jild 4 : Safa 222) Me Zikr Kiya Hai.

Scan Page :

4 – Azeemabadi Farmaate Hai Ke “ Ibn Lahiyaa Aur Uska Ustaad Mashroo Bin Lahiyaaan Dono Se Hujjat Na Pakdi Jaye. (Bahawala : Qurratul Aainain : Safa 163)

Barhaal Yeh Riwayat Nihaayat e Zaeef hai aur Zubair Sahaab ka Isse Istedlaal Saheeh nahi hai,

Share this: